ഇതിഹാസാതാരം സച്ചിന്‍ ടെന്‍‌ഡുല്‍ക്കറിന്റെ മകന്‍ അര്‍ജുന്‍ ടെന്‍ഡുല്‍ക്കർ അണ്ടര്‍-19 ഇന്ത്യന്‍ ടീമില്‍
07 JUNE 2018 09:06 PM IST
മലയാളി വാര്‍ത്ത
അടുത്ത മാസം നടക്കുന്ന ശ്രീലങ്കന്‍ പര്യടനത്തിനുള്ള അണ്ടര്‍-19 ഇന്ത്യന്‍ ടീമില്‍ ഇതിഹാസാതാരം സച്ചിന്‍ ടെന്‍‌ഡുല്‍ക്കറിന്റെ മകന്‍ അര്‍ജുന്‍ ടെന്‍ഡുല്‍ക്കറും ഇടം നേടി. ഒരു ചതുര്‍ദിനവും ഒരു ഏകദിനവും അടങ്ങുന്ന പര്യടനത്തിലേക്കാണ് ഇടംകെെയ്യന്‍ ബൗളറായ അര്‍ജുന്‍ ഇടം നേടിയത്. ഡല്‍ഹി വിക്കറ്റ് കീപ്പര്‍ ബാറ്റ്സ്‌മാനായ അനുര്‍ജ് റാവത്താണ് ചതുര്‍ദിന മത്സരത്തില്‍ ടീമിനെ നയിക്കുക. ഏകദിനത്തില്‍ ഉത്തര്‍പ്രദേശ് താരം അര്യന്‍ ജുലയിന്റെ നായകത്വത്തിലാണ് ഇന്ത്യന്‍ ടീം ഇറങ്ങുക.
കഴിഞ്ഞ വര്‍ഷം നടന്ന കൂച്ച്‌ ബിഹാര്‍ ട്രോഫിയില്‍ മുംബയ് അണ്ടര്‍- 19 ടീമില്‍ ഇടം പിടിച്ച അര്‍ജുന്‍ ടൂര്‍ണമെന്റില്‍ 18 വിക്കറ്റുകള്‍ സ്വന്തമാക്കിയിരുന്നു. ആസ്‌ട്രേലിയയില്‍ അടുത്തിടെ നടന്ന ഗ്ലോബല്‍ ട്വന്റി-20 സീരിയസില്‍ ഓള്‍റൗണ്ട് പ്രകടനം കാഴ്ച്ച വച്ച്‌ അര്‍ജുന്‍ ഏറെ പ്രശംസ ഏറ്റുവാങ്ങിയിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
