സംസ്ഥാനത്ത് സ്വര്‍ണ്ണവിലയില്‍ മാറ്റമില്ല. 22 കാരറ്റ് സ്വര്‍ണ്ണം പവന് 35600 രൂപയാണ് ഇന്നത്തെ വില. ഒരു ഗ്രാം സ്വര്‍ണ്ണത്തിന് വില 4450 ല്‍ ആണ് വ്യാപാരം നടക്കുന്നത്.

സംസ്ഥാനത്ത് കഴിഞ്ഞ കുറച്ച് ദിവസങ്ങളായി സ്വര്‍ണ്ണവിലയില്‍ ചാഞ്ചാട്ടം തുടരുകയായിരുന്നു. മെയ് 9,10 തീയതികളില്‍ മാറ്റമില്ലാതെ തുടര്‍ന്ന സ്വര്‍ണ്ണവില മെയ് 11ന് പവന് 72 രൂപ കൂടി 35,760 ല്‍ എത്തിയിരുന്നു. ഇതിന് പിന്നാലെ ഇന്നലെ വീണ്ടും വില കുറയുകയായിരുന്നു.

ഫെബ്രുവരി, മാര്‍ച്ച് മാസങ്ങളില്‍ വില കുറഞ്ഞ് നിന്ന ശേഷമാണ് ഏപ്രിലില്‍ സ്വര്‍ണ വില ഉയര്‍ന്നത്. മാര്‍ച്ച് മാസത്തില്‍ 1560 രൂപയും ഫെബ്രുവരിയില്‍ 2640 രൂപയും പവന് കുറഞ്ഞപ്പോള്‍ ഏപ്രിലില്‍ 2760 രൂപ പവന് വര്‍ധിച്ചിരുന്നു.


മാര്‍ച്ച് മാസത്തില്‍ സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 34,440 രൂപയും (മാര്‍ച്ച് ഒന്നിന്) ഏറ്റവും കുറഞ്ഞ നിരക്ക് 32,880 (മാര്‍ച്ച് 3ന്) രൂപയുമായിരുന്നു.