കണ്ടെയ്നർ റോഡിലെ വാഹനാപകടത്തിൽ പരിക്കേറ്റ യുവാവിന് രക്ഷകനായി മുഖ്യമന്ത്രി വി.ഡി സതീശൻ മാറിയ വാർത്ത വലിയ രീതിയിലാണ് ചർച്ച ചെയ്യപ്പെടുന്നത്. പറവൂരിലെ ഔദ്യോഗിക പരിപാടിക്ക് പോകുംവഴി ചോരയൊലിച്ച് റോഡിൽ കിടന്ന യുവാവിനെ കണ്ട മുഖ്യമന്ത്രി, തന്റെ വണ്ടി നിർത്തി സ്വന്തം പൈലറ്റ് വാഹനത്തിൽ യുവാവിനെ ആശുപത്രിയിലെത്തിക്കുകയായിരുന്നു. മുഖ്യമന്ത്രിയുടെ ഈ ജീവകാരുണ്യ ഇടപെടലിനെ സോഷ്യൽ മീഡിയ ഒന്നടങ്കം പുകഴ്ത്തുമ്പോഴും, രക്ഷാപ്രവർത്തനത്തിൽ സംഭവിച്ച മെഡിക്കൽ പ്രോട്ടോക്കോൾ ലംഘനങ്ങൾ ചൂണ്ടിക്കാണിക്കുകയാണ് ഡോ. മനോജ് വെള്ളനാട്. അപകടത്തിൽ പെടുന്നവരെ സ്പൈൻ ബോർഡോ കഴുത്തിന് സംരക്ഷണമോ ഇല്ലാതെ മാറ്റുന്നത് ജീവന് തന്നെ ഭീഷണിയായേക്കാം എന്നാണ് ഡോക്ടർമാർ നൽകുന്ന മുന്നറിയിപ്പ്.