സംസ്ഥാനത്ത് ഇന്ന് സ്വര്‍ണവിലയില്‍ വര്‍ദ്ധനവ് .ഗ്രാമിന് 15 രൂപയും പവന് 120 രൂപയുമാണ് ഇന്ന് വര്‍ധിച്ചത്. ഇതോടെ ഗ്രാമിന് 4930 രൂപയും പവന് 39,440 രൂപയുമായി. ഏപ്രില്‍ 18, 19 തീയതികളില്‍ ഈ മാസത്തെ ഏറ്റവും ഉയര്‍ന്ന നിരക്കിലായിരുന്ന സ്വര്‍ണവില ഇന്നലെ കുറഞ്ഞിരുന്നു. ഗ്രാമിന് 70 രൂപയും പവന് 560 രൂപയുമാണ് ബുധനാഴ്ച കുറഞ്ഞത്.

ഗ്രാമിന് 4915 രൂപയും പവന് 39,320 രൂപയുമായിരുന്നു ബുധനാഴ്ചത്തെ സ്വര്‍ണവില. 18, 19 തീയതികളില്‍ പവന്‍ വില 40,000 രൂപ കടക്കാന്‍ 120 രൂപയുടെ കുറവുമാത്രമാണുണ്ടായിരുന്നത്. മൂന്ന് ദിവസം മാറ്റമില്ലാതെ തുടര്‍ന്നതിനുശേഷം സ്വര്‍ണ വില ചൊവ്വാഴ്ച വര്‍ധിച്ചിരുന്നു. പവന് 240 രൂപയും ഗ്രാമിന് 30 രൂപയുമാണ് കൂടിയത്. പവന് വില 39,880 രൂപയും ഗ്രാമിന് 4985 രൂപയുമായിരുന്നു ചൊവ്വാഴ്ചത്തെ വില.

ഞായറാഴ്ച വരെ പവന് 39,640 രൂപയും ഗ്രാമിന് 4955 രൂപയുമായിരുന്നു വില. വ്യാഴാഴ്ചയാണ് പവന് 160 രൂപയും ഗ്രാമിന് 20 രൂപയും കൂടിയത്. ഇതിനു ശേഷം വിലയില്‍ മാറ്റമില്ലാതെ തുടരുകയായിരുന്നു. മാര്‍ച്ച് 9ന് സ്വര്‍ണവില 40,000 കടന്നിരുന്നു. വരും ദിവസങ്ങളില്‍ സ്വര്‍ണവില പവന് 40,000 കടന്നേക്കുമെന്നാണ് സൂചനകള്‍.

അതേസമയം, ദേശീയതലത്തില്‍ സ്വര്‍ണവിലയില്‍ ഇന്ന് കുറവുണ്ടായി. 760 രൂപ കുറഞ്ഞ് ഇന്ന് 24 കാരറ്റ് സ്വര്‍ണം 10 ഗ്രാമിന് 53,620 രൂപയാണ്. ഇന്നലെ ഇത് 54,380 രൂപയായിരുന്നു. വെള്ളിവിലയില്‍ വലിയ കുറവാണ് ഇന്നുണ്ടായത്. ഇന്നലെ വെള്ളിക്ക് കിലോയ്ക്ക് 70,000 രൂപയായിരുന്നെങ്കില്‍ ഇന്ന് 1700 രൂപ കുറഞ്ഞ് 68,300 രൂപയായി.