കേരളത്തില്‍ സ്വര്‍ണവിലയില്‍ ഇടിവ്. ഗ്രാമിന് 240 രൂപയുടെ കുറവാണ് ഇന്നുണ്ടായത്. ഒരു ഗ്രാം സ്വര്‍ണത്തിന്റെ വില 14,015 രൂപയായി കുറഞ്ഞു. പവന് 1,920 രൂപയുടെ കുറവാണ് ഉണ്ടായത്. 1,12,120 രൂപയായാണ് വില കുറഞ്ഞത്. രാജ്യാന്തര വിപണിയിലും സ്വര്‍ണം നഷ്ടത്തിലാണ്.

അന്താരാഷ്ട്ര വിപണിയില്‍ സ്വര്‍ണവിലയില്‍ വീണ്ടും ഇടിവ്.ഈ ആഴ്ച ഇതുവരെ സ്‌പോട്ട് ഗോള്‍ഡിന്റെ വിലയില്‍ 2 ശതമാനത്തിലേറെ ഇടിവാണ് രേഖപ്പെടുത്തിയത്. വെള്ളിയാഴ്ച സ്‌പോട്ട് ഗോള്‍ഡ് ഔണ്‍സിന് 0.2 ശതമാനം ഉയര്‍ന്ന് 4,324.79 ഡോളറിലെത്തി.

സ്വര്‍ണവിലയിലെ ഇപ്പോഴത്തെ സമ്മര്‍ദ്ദത്തിന് പ്രധാന കാരണം അമേരിക്കന്‍ ഫെഡറല്‍ റിസര്‍വ് പലിശനിരക്ക് ഉയര്‍ത്താനുള്ള സാധ്യത ശക്തമായതാണ്.ഇന്ന് പുറത്തുവരുന്ന അമേരിക്കന്‍ കണ്‍സ്യൂമര്‍ പ്രൈസ് ഇന്‍ഡക്‌സ് അഥവാ സിപിഐ കണക്കുകളിലേക്കാണ് വിപണി ഉറ്റുനോക്കുന്നത്. പണപ്പെരുപ്പം പ്രതീക്ഷിച്ചതിലും ഉയര്‍ന്നാല്‍ ഫെഡിന് പലിശനിരക്ക് ഉയര്‍ത്താനുള്ള സമ്മര്‍ദ്ദം വർദ്ധിക്കും.