സംസ്ഥാനത്ത് സ്വർണവിലയിൽ വർദ്ധനവ്. ഗ്രാമിന് 30 രൂപയുടെ വർദ്ധനവാണ് ഉണ്ടായത്. ഒരു ഗ്രാം സ്വർണത്തിന്റെ വില 14,040 രൂപയായാണ് വർദ്ധിച്ചത്. പവന്റെ വില 240 രൂപയും ഉയർന്നു. 1,12,320 രൂപയായാണ് പവന്റെ വില ഉയർന്നത്. 18 കാരറ്റ് സ്വർണത്തിന്റെ വിലയും ഉയർന്നിട്ടുണ്ട്. ഗ്രാമിന് 11,535 രൂപയായും പവന് 92,280 രൂപയായും വില ഉയർന്നിട്ടുണ്ട്.

അതേസമയം, അന്താരാഷ്ട്ര സ്വർണവിലയിൽ വീണ്ടും ഇടിവുണ്ടായി. എണ്ണവില കുത്തനെ ഉയർന്നതും അമേരിക്കയിലെ പണപ്പെരുപ്പം പ്രതീക്ഷിച്ചതിനേക്കാൾ ശക്തമായതുമാണ് സ്വർണവിലയെ സമ്മർദത്തിലാക്കിയത്.

വരാനിരിക്കുന്ന യോഗത്തിൽ യുഎസ് ഫെഡറൽ റിസർവ് പലിശനിരക്ക് ഉയർത്തിയേക്കുമെന്ന പ്രതീക്ഷയും വിപണിയിൽ ശക്തമായിട്ടുണ്ട്. സ്‌പോട്ട് ഗോൾഡ് നഷ്ടത്തോടെ ഔൺസിന് 4300 ഡോളറിനടുത്താണ് വ്യാപാരമുള്ളത്.