എബോളിന്റെ കൊബാള്‍ട്ട് സീരിസിലുള്ള സ്മാര്‍ട്ട് ഫോണില്‍ ഉള്‍പ്പെട്ട ആന്‍ഡി 5 ക്യു കൊബാള്‍ട്ട് സോളസ് കേരള വിപണിയിലെത്തി.ഏറ്റവും പുതിയ മൊബൈല്‍ സാങ്കേതികവിദ്യയാണ് ഇതില്‍ ഉപയോഗിച്ചിരിക്കുന്നത്.

കൂടുതല്‍ ആകര്‍ഷകമായ സ്മാര്‍ട്ട്‌ഫോണുകള്‍ വിപണിയിലിറക്കുക എന്ന ലക്ഷ്യവുമായി അവതരിപ്പിക്കുന്ന സോളസിന് 8 എംഎം മാത്രമാണ് കനം. ഭാരവും കുറവാണ്. അതേസമയം 2250 എംഎഎച്ച് ലിഥിയം പോളിമര്‍ ബാറ്ററിയായതിനാല്‍ ദീര്‍ഘനേരം ഉപയോഗിക്കാന്‍ കഴിയും. കനംകുറവാണെങ്കിലും 16 ജിബി ഇന്റേണല്‍ മെമ്മറിയും 2 ജിബി റാമും കൂടുതല്‍ ഈടു നില്‍ക്കുന്നതും സുരക്ഷയേകുന്നതുമായ പിന്‍ ഗ്ലാസ് കവറുമാണ് ഇവയ്ക്ക്. മൈക്രോ എസ്ഡി കാര്‍ഡ് ഉപയോഗിച്ച് 32 ജിബി വരെ എക്‌സ്പാന്‍ഡബിള്‍ മെമ്മറിയായതിനാല്‍ മികവുറ്റ കാമറയില്‍നിന്നുള്ള ചിത്രങ്ങള്‍ സൂക്ഷിക്കാന്‍ സാധിക്കും. പല സ്മാര്‍ട്ട്‌ഫോണുകളിലേയും പോരായ്മ പരിഹരിച്ച് ഉയര്‍ന്ന ശബ്ദത്തിനായി മികച്ച സൗണ്ട് ആംപ്ലിഫയര്‍ ആണ് ഈ മോഡലില്‍. യുവാക്കളെ ലക്ഷ്യമിട്ട് പുറത്തിറക്കുന്ന സോളസിന് 11,249 രൂപയാണ് വില.