ഇന്ത്യന്‍ വിപണിയില്‍ ഉന്നത സ്ഥാനമുറപ്പിച്ച ടൊയോട്ടയുടെ മള്‍ട്ടി പര്‍പ്പസ് വെഹിക്കിളാണ് ഇന്നോവ. മുഖം മിനുക്കി എത്തിയ ഓരോ പ്രാവശ്യവും ഇരു കൈകളും നീട്ടിയാണ് വാഹന പ്രേമികള്‍ ഇന്നോവയെ സ്വീകരിച്ചത്. ഇനി വരാന്‍ പോകുന്ന മോഡലിന് മുമ്പ് ലഭിച്ചതിന്റെ ഇരട്ടി സ്വീകാര്യത ലഭിക്കുമെന്ന് ഉറപ്പായി.
നേരത്തെ പുറത്തിറങ്ങിയ ഇന്നോവയുടെ മോഡലുകളില്‍ നിന്നും തികച്ചും വ്യത്യസ്തമായാണ് പുതിയ മോഡല്‍ എത്തുക. 2016 ഇന്നോവയുടെ ദൃശ്യങ്ങള്‍ ടൊയോട്ട ഇന്തോനേഷ്യ ഔദ്യോഗികമായി പുറത്ത് വിട്ടു. ട്വിറ്റര്‍ അക്കൗണ്ടിലൂടെയാണ് 2016 ഇന്നോവയുടെ ദൃശ്യങ്ങള്‍ ടൊയോട്ട ഇന്തോനേഷ്യ പുറത്ത് വിട്ടത്.
അടുത്തവര്‍ഷം ഫെബ്രുവരിയില്‍ നടക്കുന്ന ഡല്‍ഹി ഓട്ടോ എക്‌സ്‌പോയില്‍ പുത്തന്‍ ഇന്നോവ അവതരിപ്പിക്കപ്പെടുമെന്നാണ് കണക്ക് കൂട്ടുന്നത്. ടൊയോട്ടയുടെ ന്യു ഗ്ലോബല്‍ ആര്‍ക്കിടെക്ച്ചുറല്‍ പ്ലാറ്റ്‌ഫോമിലാണ് പുത്തന്‍ ഇന്നോവയുടെ ജനനം.
നേരത്തെ പുറത്തിറങ്ങിയ ഇന്നോവയില്‍ നിന്നും വ്യത്യസ്തമായി വലിയ സ്‌പോര്‍ട്ടി ഗ്രില്‍ തന്നെയാണ് പുത്തന്‍ ഇന്നോവയുടെ മുന്നിലെ പ്രത്യേകത. പുതിയ പ്രോജക്ടര്‍ ഹെഡ്‌ലാംപുകളും ഡേ ടൈം റെണ്ണിങ് ലാംപുകളും 2016 ഇന്നോവയെ വ്യത്യസ്തമാക്കുന്നു. പുതിയ ജി.ഡി സീരീസ് എഞ്ചിനിലാവും 2016 ഇന്നോവ എത്തുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha