മികച്ച വിൽപ്പനാനന്തര സേവനം ഉറപ്പാക്കുന്നതിനായി പദ്ധതികളുടെ ഭാഗമായി മോട്ടറോള 2026 ഫെബ്രുവരി 28 മുതൽ രാജ്യവ്യാപകമായി എല്ലാ മാസവും ഒരു നിശ്ചിത ദിവസം 'പ്രതിമാസ സർവീസ് ക്യാമ്പ്' സംഘടിപ്പിക്കും. ക്യാമ്പിൽ എത്തുന്നവർക്ക് ലേബർ ചാർജ് ഇളവ്, സൗജന്യ സോഫ്റ്റ്‌വെയർ അപ്‌ഡേറ്റുകൾ, ഡിവൈസ് ക്ലീനിംഗ്, സ്പെയർ പാർട്ടുകൾക്കും ആക്‌സസറികൾക്കും 10% കിഴിവ് തുടങ്ങി നിരവധി ആനുകൂല്യങ്ങൾ ലഭ്യമാകും.

കൂടാതെ, മോട്ടറോള സിഗ്നേച്ചർ, എഡ്‌ജ്‌, റേസർ സീരീസ് ഉപഭോക്താക്കൾക്കായി സൗജന്യ 'പിക്ക് അപ്പ് ആൻഡ് ഡ്രോപ്പ്' സേവനവും കമ്പനി അവതരിപ്പിച്ചു. വീട്ടുപടിക്കൽ എത്തിയുള്ള ഈ സേവനത്തിലൂടെ അറ്റകുറ്റപ്പണികൾ കൂടുതൽ എളുപ്പമാകും. 'മോളി' എന്ന എഐ ചാറ്റ്‌ബോട്ട്, വാട്ട്‌സ്ആപ്പ് സഹായം, 24x7 ഡിജിറ്റൽ സെൽഫ് സർവീസ് എന്നിവയിലൂടെ പരാതികൾക്ക് ഉടനടി പരിഹാരം കാണാനും പുതിയ സംവിധാനം സഹായിക്കും.

നിലവിൽ ഇന്ത്യയിൽ 52.4% വാർഷിക വളർച്ചയുള്ള മോട്ടറോള, തങ്ങളുടെ സർവീസ് ശൃംഖല 2027-ഓടെ 1,200 ടച്ച്‌പോയിന്റുകളായി വർദ്ധിപ്പിക്കാൻ ലക്ഷ്യമിടുന്നു. ഉപഭോക്തൃ വിശ്വാസം വർദ്ധിപ്പിക്കുന്നതിനൊപ്പം തടസ്സമില്ലാത്ത സ്‌മാർട്ട്‌ഫോൺ ഉടമസ്ഥാവകാശ അനുഭവം നൽകുകയാണ് ഈ പദ്ധതിയുടെ ലക്ഷ്യമെന്ന് മോട്ടറോള ഇന്ത്യ മാനേജിംഗ് ഡയറക്ടർ ടി.എം. നരസിംഹൻ പറഞ്ഞു.