ഓണ്‍ലൈന്‍ വില്‍പനയാണ് ഡോക്കോസും ലക്ഷ്യമിടുന്നതെങ്കിലും ക്യാഷ് ഓണ്‍ ഡെലിവറി സൗകര്യം നല്‍കുന്നുണ്ട് എന്നതാണ് പ്രത്യേകത. വിലകുറഞ്ഞ സ്മാര്‍ട്ട്‌ഫോണ്‍ എന്ന വാഗ്ദാനവുമായെത്തിയ ഫ്രീഡം 251 വിവാദമായതിനു ശേഷം മറ്റൊരു കമ്പനി കൂടി ഇതേ വാഗ്ദാനവുമായി ഇന്ത്യന്‍ വിപണയിലെത്തുന്നു. ഡോക്കോസ് എന്ന കമ്പനിയാണ് ഇത്തവണ വിലകുറഞ്ഞ ആന്‍ഡ്രോയ്ഡ് ഫോണ്‍ വാഗ്ദാനം ചെയ്ത് രംഗത്തെത്തിയിരിക്കുന്നത്. ഫ്രീഡത്തിന് വില 251 രൂപയായിരുന്നെങ്കില്‍ ഡോക്കോസിന്റെ എക്‌സ്1 സ്മാര്‍ട്ട്‌ഫോണിന് കമ്പനി ഇട്ടിരിക്കുന്ന വില 888 രൂപയാണ്. ഓണ്‍ലൈന്‍ വില്‍പനയാണ് ഡോക്കോസും ലക്ഷ്യമിടുന്നതെങ്കിലും ക്യാഷ് ഓണ്‍ ഡെലിവറി സൗകര്യം നല്‍കുന്നുണ്ട് എന്നതാണ് പ്രത്യേകത. ഉത്പന്നം കയ്യില്‍ കിട്ടുമ്പോള്‍ മാത്രം പണം നല്‍കിയാല്‍ മതി. ഫോണിന്റെ ബുക്കിങ് ഇതിനകം ആരംഭിച്ചിട്ടുണ്ട്. ഏപ്രില്‍ 29 രാത്രി 10 വരെയാണ് പ്രീ ബുക്കിംഗ് സമയം. മെയ് രണ്ടിന് ഫോണ്‍ ഉപയോക്താക്കളുടെ കയ്യിലെത്തിക്കുമെന്നാണ് ഡോക്കോസ് നല്‍കുന്ന വാഗ്ദാനം. കമ്പനിയുടെ വെബ്‌സൈറ്റ് വഴിയും പേരും പിന്‍കോഡ് ഉള്‍പ്പെടെയുള്ള വിലാസവും എസ്എംഎസ് ചെയ്തും ഫോണ്‍ ബുക്ക് ചെയ്യാം. ഫോണിന് ഒരു വര്‍ഷത്തെ വാറണ്ടിയും കമ്പനി വാഗ്ദാനം ചെയ്യുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha