ലോകത്തിലെ എറ്റവും മികച്ച സ്‌പോര്‍ട്‌സ് കാറുകളിലൊന്നാണ് ഓഡിയുടെ R8. R8ന്റെ പരസ്യത്തിനായി എടുത്ത ചിത്രങ്ങളും കിടിലനായിരുന്നു. ആല്‍പ്‌സ് പര്‍വത നിരക്കള്‍ക്കിടയിലൂടെയും മഞ്ഞിലൂടെയുമെല്ലാം നീങ്ങുന്ന ഓഡി R8ന്റെ ചിത്രങ്ങള്‍ വാഹനത്തിന്റെ പെരുമക്കു ചേര്‍ന്നതായിരുന്നു.എന്നാല്‍, ഇപ്പോള്‍ വരുന്ന വാര്‍ത്തകള്‍ പറയുന്നത് ഈ ചിത്രങ്ങളെല്ലാം എടുത്തത് 2500 രൂപ മാത്രം വില വരുന്ന ഓഡി R8ന്റെ ചെറിയ മോഡല്‍ കാര്‍ ഉപയോഗിച്ചാണ് എന്നാണ്. പരസ്യത്തിനു വേണ്ടി ചിത്രങ്ങളെടുത്ത ഫോട്ടാഗ്രാഫര്‍ തന്നെയാണ് ഇക്കാര്യം ലോകത്തെ അറിയിച്ചത്.ആഡംബര വാഹനത്തിനായി ഇത്രയും കുറഞ്ഞ ചെലവില്‍ പരസ്യമൊരുക്കിയതാണ് വാഹന ലോകത്തെ ഇപ്പോഴത്തെ ചര്‍ച്ചാ വിഷയം.