നിര്‍മാണ സാമഗ്രികളുടെ വിലയും കൈവിട്ട് കുതിക്കുന്നു.... കെട്ടിട നിര്‍മാണ സാമഗ്രികളുടെ വിലയും വന്‍ തോതില്‍ കുതിച്ചുയരുന്നത് ബാധിക്കുന്നത് സാധാരണക്കാരെ....


പാറ, മെറ്റല്‍, എം. സാന്‍ഡ്, സിമന്റ്, ബ്രാന്‍ഡഡ് കമ്പികള്‍ എന്നിവയുടെ വിലയാണ് അതിവേഗം കുതിച്ചുയരുന്നത്. ഒരു ലോഡ് പാറയ്ക്കും മുക്കാല്‍ ഇഞ്ച് മെറ്റലിനും സമാനതകളില്ലാത്ത വിലക്കയറ്റമാണ് വന്നിരിക്കുന്നത്. പാറമണലിന് ഒരടിക്ക് 57 ല്‍ നിന്ന് 61 രൂപയായും ഒരു പായ്ക്കറ്റ് സിമന്റിന് 420 ല്‍നിന്ന് 450 രൂപയായും വാര്‍ക്കല്‍കമ്പി ഒരു കിലോയ്ക്ക് 72 രൂപയില്‍നിന്ന് 25 രൂപയിലധികം വര്‍ധിച്ച് 98-100 രൂപയിലും എത്തി.

ഇതരസംസ്ഥാനങ്ങളില്‍ നിന്നെത്തുന്ന സിമന്റിനും മറ്റും സര്‍ക്കാര്‍ തലത്തില്‍ നിയന്ത്രണമില്ലാത്തതിനാല്‍, സിമന്റ് കമ്പനികള്‍ വിലകള്‍ വളരെ കൂട്ടുകയാണെന്ന് ആക്ഷേപവുമുണ്ട്.


അതേസമയം ് രാജ്യത്ത് രാജ്യത്ത് ഇന്ധന വിലയില്‍ മാറ്റമില്ല. തുടര്‍ച്ചയായ രണ്ടാം ദിവസവും പെട്രോള്‍, ഡീസല്‍ വില മാറ്റമില്ലാതെ തുടരുകയാണ്.



കഴിഞ്ഞ മൂന്നാഴ്ചയ്ക്കിടെ പെട്രോളിന് 10 രൂപ 89 പൈസയും ഡീസലിന് 10 രൂപ 52 പൈസയും വര്‍ധിപ്പിച്ചിരുന്നു. കൊച്ചിയില്‍ പെട്രോള്‍ വില ലിറ്ററിന് 115.20 രൂപയും ഡീസലിന് 102.08 രൂപയുമായി.

തിരുവനന്തപുരത്ത് ഒരു ലിറ്റര്‍ പെട്രോളിന് 117.19 രൂപയാണ് ഇന്നത്തെ വില. ഒരു ലിറ്റര്‍ ഡീസലിന് ഇവിടെ ഇന്നത്തെ വില 103.95 രൂപയാണ്. കോഴിക്കോട് പെട്രോള്‍ ലിറ്ററിന് 115.36 രൂപയും ഡീസലിന് 102.26 രൂപയുമാണ് വില.



ഡല്‍ഹിയില്‍ പെട്രോളിന്റെയും ഡീസലിന്റെയും വില യഥാക്രമം 105.41 രൂപയും ലിറ്ററിന് 96.67 രൂപയുമാണ്. മുംബൈയില്‍ പെട്രോള്‍, ഡീസല്‍ വില ലിറ്ററിന് 120.51 രൂപയും 104.77 രൂപയുമാണ്.

ചെന്നൈയില്‍ പെട്രോളിന് 110.85 രൂപയും ഡീസല്‍ വില 100.94 രൂപയുമാണ്. കൊല്‍ക്കത്തയില്‍ പെട്രോള്‍ വില ലിറ്ററിന് 115.12 രൂപയും ഡീസലിന് 99.83 രൂപയുമാണ്. അഞ്ച് സംസ്ഥാനങ്ങളിലെ തിരഞ്ഞെടുപ്പ് കഴിഞ്ഞ് നാലര മാസത്തെ ഇടവേളക്ക് ശേഷമാണ് ഇന്ധനവില വര്‍ധിപ്പിക്കാന്‍ ആരംഭിച്ചത്.