ക്രൂഡ് ഓയിൽ വില കുതിച്ചുയരുന്നതിനിടയിലും രൂപയുടെ മൂല്യം ഉയരുന്നു. തുടർച്ചയായ തകർച്ചയിൽ നിന്ന് ഉയർത്തെഴുന്നേറ്റ് മുന്നേറുകയാണ് ഇന്ത്യൻ രൂപ. ഇന്ന് ആദ്യ വ്യാപാരത്തിൽ യുഎസ് ഡോളറിനെതിരെ രൂപയുടെ മൂല്യം 20 പൈസ ഉയർന്ന് 95.30 എന്ന നിലയിലെത്തുകയും ചെയ്തു.

ഇന്റബാങ്ക് ഫോറിൻ എക്സ്ചേഞ്ചിൽ രൂപയുടെ മൂല്യം 95.40 എന്ന നിലയിൽ തുടങ്ങി. പിന്നീടത് മുൻപത്തെ ക്ലോസിം​ഗിനേക്കാർ 20 പൈസ ഉയർന്ന് 95.30 എന്ന ലെവലിലെത്തി. ഇന്നലെ യുഎസ് ഡോളറിനെതിരെ രൂപയുടെ മൂല്യം 26 പൈസ ഉയർന്ന് 95.50 എന്ന നിലയിലാണ് അവസാനിക്കുകയും ചെയ്തു.

ക്രൂഡ് ഓയിൽ വില ആദ്യ വ്യാപാരത്തിൽ കുതിച്ചുവെങ്കിലും പിന്നീടുണ്ടായ നേരിയ ഇടിവ് കാരണം യുഎസ് ഡോളറിനെതിരെ രൂപയുടെ മൂല്യം ശക്തി പ്രാപിക്കാൻ സാധ്യതയുണ്ടെന്നാണ് ഫോറക്സ് വിദ​ഗ്ധർ പറയുന്നത്.