സംസ്ഥാന വിവിധ സർക്കാർ / പൊതുമേഖലാ / സ്വകാര്യ സ്ഥാപനങ്ങളിലെ ആയിരത്തോളം ഒഴിവുകളിലേക്ക് ടെക്‌നീഷ്യൻ അപ്രൻറിസ് ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.

കേന്ദ്ര സർക്കാരിന്റെ കീഴിലുള്ള ചെന്നൈയിലെ ദക്ഷിണ മേഖലാ ബോർഡ് ഓഫ് അപ്രൻറിഷിപ് ട്രെയിനിങ്ങും സംസ്ഥാന സാങ്കേതിക വിദ്യാഭ്യാസ വകുപ്പിന് കീഴിലുള്ള കളമശ്ശേരി സൂപ്പർവൈസറി ഡവലപ്മെന്റ് സെന്ററും ചേർന്നാണ് തിരഞ്ഞെടുപ്പ് നടത്തുന്നത്.

യോഗ്യത : പോളിടെക്നിക് ഡിപ്ലോമയുള്ളവർക്ക് ഇന്റർവ്യൂവിൽ പങ്കെടുക്കാവുന്നതാണ്.
യോഗ്യത നേടി മൂന്നുവർഷം കഴിയാത്തവർക്കും അപ്രൻറിസ് ആക്റ്റ് പ്രകാരം ഏതെങ്കിലും സ്ഥാപനങ്ങളിൽ പരിശീലനത്തിന് ചേർന്നവർക്കുമാണ് അവസരം ഉണ്ടായിരിക്കുക.

കുറഞ്ഞത് 3542 രൂപ പ്രതിമാസ സ്റ്റൈപൻഡ് ലഭിക്കുന്നതായിരിക്കും.
ട്രൈനിങ്ങിനുശേഷം കേന്ദ്ര ഗവണ്മെന്റ് നൽകുന്ന പ്രൊഫിഷ്യന്സി സർട്ടിഫിക്കറ്റ് അഖിലേന്ത്യാ തലത്തിൽ തൊഴിൽ പരിചയമായി പരിഗണിച്ചിട്ടുള്ളതാണ്.

അപ്രൻറിസ് ട്രെയിനീ ആകാൻ താത്പര്യമുള്ളവർ എസ്ഡി സെന്റര് നൽകുന്ന രജിസ്‌ട്രേഷൻ കാർഡ് / ഇമെയിൽ പ്രിന്റ് സർട്ടിഫിക്കറ്റുകളുടെയും അസ്ലം പകർപ്പുകളും വിശദമായ ബയോഡാറ്റയുടെ മൂന്നുപകർപ്പുകളും സഹിതം ഓഗസ്റ്റ് 18 നു രാവിലെ 9 നു ഇന്റർവ്യൂവിനു ഹാജരാകണം
ഇന്റർവ്യൂവിൽ പങ്കെടുക്കാൻ ഉദ്യോഗാർത്ഥികൾ സൂപ്പർവൈസറി ഡവലപ്മെന്റ് സെന്ററിൽ ഇന്റർവ്യൂ തീയതിക്ക് മുൻപായി രജിസ്റ്റർ ചെയ്യേണ്ടതാണ്. ഇന്റർവ്യൂ നടക്കുന്ന ദിവസം രജിസ്ട്രേഷൻ ഉണ്ടായിരിക്കുന്നതല്ല. രജിസ്റ്റർ ചെയ്യാനുള്ള അപേക്ഷാ ഫോം എസ്‌ഡി സെന്ററിന്റെ വെബ്‌സൈറ്റിൽ നിന്നും ലഭിക്കുന്നതാണ്.

അപേക്ഷാഫോമിനും പങ്കെടുക്കുന്ന കമ്പനികളുടെ വിശദവിവരങ്ങൾക്കും www.sdcentre.org എന്ന വെബ്‌സൈറ്റ് സന്ദർശിക്കുക.
ബോർഡ് ഓഫ് അപ്രൻറിസ് ട്രൈനിങ്ങിന്റെ നാഷണൽ വെബ് പോർട്ടലായ www.mhrdnats.gov.in ൽ രജിസ്റ്റർ ചെയ്തവർ അതിന്റെ പ്രിന്റൗട്ട് കൊണ്ട് വന്നാലും പരിഗണിക്കുന്നതാണ്.

ഇന്റർവ്യൂ സ്ഥലം : Govt Polytechnic College , HMT Junction ,kalamassery
phone : 0484 2556530