കുറഞ്ഞത് 50% മാര്ക്കോടെ സർവകലാശാലാ ബിരുദം ഉള്ളവർക്ക് കേരള ഹൈക്കോടതിയില് അസിസ്റ്റന്റ് തസ്തികയിലേക് അപേക്ഷിക്കാം
കേരള ഹൈക്കോടതിയില് അസിസ്റ്റന്റ് ആകാം . കുറഞ്ഞത് 50% മാര്ക്കോടെ സർവകലാശാലാ ബിരുദമാണ് അടിസ്ഥാന യോഗ്യത . ബിരുദാനന്തരബിരുദം അല്ലെങ്കില് നിയമബിരുദം ഉള്ളവർക്ക് മുൻഗണന. പട്ടിക വിഭാഗക്കാര്ക്ക് മാര്ക്ക് ബാധകമല്ല
2-1-1982നും 1-1-2000നും മധ്യേ ജനിച്ചവർക്ക് അപേക്ഷിക്കാം . OBC വിഭാഗത്തിൽ പെടുന്നവരാണെങ്കിൽ 2-1-1979നും 1-1-2000നും മധ്യേ ജനിച്ചവർക്കും അപേക്ഷിക്കാം. പട്ടികവിഭാഗക്കാരായ അപേക്ഷകര് 2-1-1977നും 1-1-2000 നും മധ്യേ ജനിച്ചവരായാല് മതി. 2-1-1978 നും 1-1-2000മധ്യേ ജനിച്ച, അസിസ്റ്റന്റ് തസ്തികയുടെ പേ സ്കെയിലിനു താഴെയുള്ള തസ്തികയിലുള്ള ഹൈക്കോടതി ജീവനക്കാര്ക്കും അപേക്ഷിക്കാം.
തെരഞ്ഞെടുപ്പ് രീതി: എഴുത്തു പരീക്ഷയും ഇന്റര്വ്യൂവിന്റെയും അടിസ്ഥാനത്തിലായിരിക്കും തെരഞ്ഞെടുപ്പ്. എഴുത്തുപരീക്ഷയില് 40% മാര്ക്കും ഇന്റര്വ്യൂവിന് 35% മാര്ക്കും നേടുന്നവരെയാണ് റാങ്ക് ലിസ്റ്റില് ഉള്പ്പെടുത്തുക. ജനറല് ഇംഗ്ലീഷ്, പൊതുവിജ്ഞാനം, അടിസ്ഥാന ഗണിതം എന്നീ വിഷയങ്ങള് ഉള്പ്പെടുന്നതായിരിക്കും എഴുത്തു പരീക്ഷയുടെ സിലബസ്.
വിമുക്തഭടന്മാര്ക്കും വിമുക്ത ജനറല് റിസര്വ് എന്ജിനിയര് ഫോഴ്സ് അംഗങ്ങള്ക്കും ടെറിട്ടോറിയല് ആര്മിയില് നിന്നു വിരമിച്ചവര്ക്കും 50 വയസ് പൂര്ത്തിയായിരിക്കാന് പാടില്ല എന്ന വ്യവസ്ഥയ്ക്കു വിധേയമായി അവരവരുടെ സേനയിലുള്ള സേവനകാലവും സേനയില് നിന്നും പിരിഞ്ഞതിനു ശേഷം തൊഴിലില്ലാതിരിക്കുന്ന കാലയളവില് പരമാവധി അഞ്ച് വര്ഷവും ഒഴിവാക്കും.
പരീക്ഷാകേന്ദ്രം: തിരുവനന്തപുരം, ആലപ്പുഴ, എറണാകുളം, തൃശൂര്, കോഴിക്കോട് എന്നിവിടങ്ങളിലാണ് പരീക്ഷാ കേന്ദ്രങ്ങള്.
അപേക്ഷാ ഫീസ്: 400 രൂപ. പട്ടികവിഭാഗക്കാരും തൊഴില്രഹിതരായ ഭിന്നശേഷിക്കാരും അപേക്ഷാഫീസ് അടയ്ക്കേണ്ടതില്ല. സിസ്റ്റം ജനറേറ്റഡ് ഫീ പേയ്മെന്റ് ചലാന് ഉപയോഗിച്ചോ ഡെബിറ്റ് കാര്ഡ്/ ക്രെഡിറ്റ് കാര്ഡ് / നെറ്റ് ബാങ്കിംഗ് മുഖേനയോ ഫീസ് അടയ്ക്കാം. ഒാഗസ്റ്റ് 31 വരെ ഫീസ് അടയ്ക്കാം.
അപേക്ഷിക്കേണ്ട വിധം: http://www.hckrecruitment.nic.in/ എന്ന വെബ്സൈറ്റ് മുഖേന ഓണ്ലെെന് അപേക്ഷ സമര്പ്പിക്കാം.
പാര്ട്ട് 1, പാര്ട്ട് 2 എന്നിങ്ങനെ രണ്ടു ഘട്ടമായി അപേക്ഷ പൂരിപ്പിക്കണം. ഓണ്ലൈന് അപേക്ഷ സമര്പ്പിക്കുന്നതു സംബന്ധിച്ച് വിശദവിവരങ്ങളും നിര്ദേശങ്ങളും വെബ്സൈറ്റില് ലഭിക്കും. ശമ്ബള നിരക്ക്: 27800-59400 രൂപ. നിയമന രീതി: നേരിട്ടുള്ള നിയമനം. ആകെ 38 ഒഴിവുകളാണുള്ളത്. ആദ്യ ഘട്ടം പൂര്ത്തികരിക്കേണ്ട അവസാന തീയതി: ഓഗസ്റ്റ് 20. രണ്ടാം ഘട്ടം പൂര്ത്തികരിക്കേണ്ട അവസാന തീയതി: സെപ്റ്റംബര് ആറ്.
കൂടുതല് വിവരങ്ങള്ക്ക് ഫോണ്: 0484 2562235.
https://www.facebook.com/Malayalivartha