പ്രിയങ്കാ ചോപ്ര ചതിച്ചു; നിക്കിന്റെ മുന് കാമുകി ആശുപത്രിയില്
ലോകം ആഘോഷിച്ച കല്ല്യാണമാണ് ബോളിവുഡ് നടി പ്രിയങ്കയുടെയും അമേരിക്കന് ഗായകന് നിക് ജൊനാസിന്റെയും. ജയ്പൂരില് നടന്ന വിവാഹം ഈ വര്ഷത്തെ ഏറ്റവും വലിയ വിവാഹ മാമാങ്കങ്ങളിലൊന്നായി. 35കാരിയായ പ്രിയങ്ക 25കാരനായ നികിനെ വിവാഹം കഴിച്ചതിന് ചിലര് വന് വിമര്ശനമാണുയര്ത്തിയത്. ഇപ്പോള് നികിന്റെ മുന് കാമുകി ഡെമി ലവാറ്റോയെ ചുറ്റിപ്പറ്റിയാണ് വിവാദം. ഡെമിയില് നിന്ന് നികിനെ പ്രിയങ്ക തട്ടിയെടുത്തെന്നാണ് ഒരുകൂട്ടം ആരാധകരുടെ വാദം.
ഡെമി ലവാറ്റോയെ നിക് ജോനാസ് വിവാഹത്തിനു ക്ഷണിച്ചില്ലെന്നാണ് ഒടുവില് പുറത്തു വരുന്ന റിപ്പോര്ട്ടുകള്. പ്രിയങ്കയുമായുള്ള നിക്കിന്റെ അടുപ്പം ഇരുവര്ക്കുമിടയില് അസ്വാരസ്യങ്ങള് ഉണ്ടാക്കിയിരുന്നു. നിക് ജോനാസിനോട് അവര് അതൃപ്തി അറിയിച്ചതായും വാര്ത്തകള് ഉണ്ടായിരുന്നു. പ്രിയങ്ക തട്ടിയെടുത്തത് ഡെമിയുടെ സ്വര്ഗമാണെന്നാണ് ഡെമി ലവാറ്റോയുടെ ആരാധകര് പറയുന്നത്.
നിക്കുമായുള്ള ബന്ധം വഷളായതിനെ തുടര്ന്നു ജൂലയില് ഡെമി മാരകമായി മയക്കുമരുന്നിന് അടിമയായിരുന്നതായും റിപ്പോര്ട്ടുണ്ട്. തുടര്ന്ന് ആഴ്ചകളോളം ചികിത്സയിലായി. ഇപ്പോഴും ഡെമി ചികിത്സകളും മരുന്നുമായി തുടരുകയാണ്. എന്നാല്, ഈ കാലഘട്ടത്തില് ഡെമിക്കായി പ്രാര്ഥിച്ചുകൊണ്ട് സോഷ്യല് മീഡിയയില് നിക് ജോനാസിന്റെ വൈകാരിക പോസ്റ്റുണ്ടായിരുന്നു. ' ഡെമി ഒരു പോരാളിയാണെന്നും അവള്ക്കു വേണ്ടി എല്ലാവരുടെയും സ്നേഹവും പ്രാര്ഥനയുമുണ്ടാകണമെന്നുമായിയിരുന്നു നിക് ജോനാസിന്റെ പോസ്റ്റ്.
ആഴ്ചകളോളം നീണ്ട ചികിത്സയ്ക്കു ശേഷം ഡെമി ജീവിതത്തിലേക്കു തിരിച്ചു വന്നു. വിവാഹ ദിനത്തില് നിക് ജോനാസിനും പ്രിയങ്കാ ചോപ്രയ്ക്കും ഡെമി ആശംസകള് അറിയിച്ചെങ്കിലും തുടര്ന്ന് നിക് ജോനാസിനെ സോഷ്യല് മീഡിയയില് അവര് അണ്ഫോളോ ചെയ്തു.
https://www.facebook.com/Malayalivartha
