ആമിര് ഖാന് മയക്കുമരുന്ന് നല്കി വീട്ടില് പൂട്ടിയിട്ടെന്നാരോപണം: 18 വര്ഷങ്ങള്ക്കു ശേഷം സഹോദരന് സിനിമയിലേയ്ക്ക്
ആമീര് ഖാന്റെ ഇളയ സഹോദരനും നടനുമായ ഫൈസല് ഖാന് 18 വര്ഷങ്ങള്ക്കു ശേഷം വീണ്ടും സിനിമയിലേയ്ക്ക്. ആമിര് ഖാനും കുടുംബത്തിനുമെതിരെ മുന്പ് ഗുരുതര ആരോപണങ്ങളുമായി മുന്പ് ഫൈസല് രംഗത്തെത്തിയിരുന്നു. എന്നാലിപ്പോള് സഹോദരന് സിനിമയിലേയ്ക്ക് മടങ്ങി വരുന്ന സന്തോഷം ആമീര് തന്നെയാണ് ആരാധകരെ അറിയിച്ചത്.
ഫാക്ടറി എന്ന ചിത്രത്തിലെ ഇഷ്ക് തേരാ എന്ന പ്രണയഗാനമാണ് ഫൈസല് ഖാന് ആലപിക്കുന്നത്. 'ഫൈസല് ഖാന് ഇപ്പോള് ചലച്ചിത്ര താരം മാത്രമല്ല. അദ്ദേഹം ഒരു ഗായകന് കൂടിയാകുന്നു' എന്ന കുറിപ്പോടെ ഫൈസല് ഖാന്റെ ചിത്രവും ആരാധകര് പങ്കുവച്ചു. ആമിര് ഖാനോടു വളരെ സാദൃശ്യമുള്ള ഫൈസലിന്റെ ചിത്രങ്ങളാണ് ആരാധകര് പങ്കുവച്ചത്.
2000ല് ആമിര് ഖാനും ട്വിങ്കിള് ഖന്നയും പ്രധാന വേഷത്തിലെത്തിയ മേളയിലൂടെയാണ് ഫൈസല് വെള്ളിത്തിരയിലേക്കു ചുവടുവെക്കുന്നത്. എന്നാല് പിന്നീട് ഫൈസല് വെള്ളിത്തിരയില് നിന്നും അപ്രത്യക്ഷമായിരുന്നു. ഫൈസല് അസുഖബാധിതനായതിനാലാണു സിനിമയില് നിന്നും വിട്ടുനില്ക്കുന്നതെന്നു സഹോദരനായ ആമിര്ഖാനും കുടുംബാംഗങ്ങളും വ്യക്തമാക്കിയിരുന്നു. മാനസീക പ്രശ്നങ്ങള് ഫൈസലിനെ അലട്ടുന്നതായി ആമിര് പറഞ്ഞിരുന്നു.
എന്നാല് പിന്നീട് 2008ല് ഒരു ദേശീയ മാധ്യമത്തിനു നല്കിയ അഭിമുഖത്തില് തനിക്ക് അസുഖമൊന്നും ഉണ്ടായിരുന്നില്ലെന്ന് ഫൈസല് വെളിപ്പെടുത്തിയിരുന്നു. താന് വീട്ടു തടങ്കലിലായിരുന്നെന്നും, അമിതഡോസുള്ള മരുന്നുകള് നല്കി സഹോദരന് ആമിര്ഖാനും വീട്ടുകാരും മയക്കി കിടത്തുകയായിരുന്നു എന്നും ഫൈസല് വ്യക്തമാക്കി. മറ്റുള്ളവരെ പോലെ ജീവിക്കാനുള്ള അവകാശം ഫൈസലിനുണ്ടെന്നും, മാനസീക പ്രശ്നങ്ങളൊന്നും അദ്ദേഹത്തെ അലട്ടുന്നില്ലെന്നും ബാന്ദ്ര കോടതി വിധിച്ചതിനെ തുടര്ന്നാണ് ഫൈസല് സ്വതന്ത്രനായത്. പുതിയ ചുവടുവെപ്പിലൂടെ വീണ്ടും ചലച്ചിത്ര മേഖലയില് സജീവമാകാന് ഒരുങ്ങുകയാണ് ഫൈസല്.
https://www.facebook.com/Malayalivartha