എന്തുകൊണ്ട് വാടക ഗര്ഭം; വിയാനെ ഒറ്റമകനായി വളര്ത്താന് ഞാന് ആഗ്രഹിച്ചിരുന്നില്ല; പക്ഷേ എനിക്ക് ഒരു അസുഖം ബാധിച്ചു; ആരാധകര്ക്ക് ഉത്തരവുമായി ശില്പ ഷെട്ടി;
ശില്പ ഷെട്ടിയുടെ രണ്ടാമത്തെ കുഞ്ഞിനെ കുടുംബം വരവേറ്റത് വാടക ഗര്ഭധാരണത്തിലൂടെയായിരുന്നു. അതുകൊണ്ടുതന്നെ ആരാധകരുടെ മനസ്സില് ഒരുപാട് ചോദ്യങ്ങള് ഉണ്ടായിരുന്നു. എന്തുകൊണ്ടാണ് കുഞ്ഞിനായി ഈ മാര്ഗം സ്വീകരിച്ചു എന്നതായിരുന്നു ഇതില് പ്രധാനം. ഇപ്പോള് അതിന് മറുപടിയുമായി രംഗത്തെത്തിയിരിക്കുകയാണ് താരം. ഒരു ദേശീയ മാധ്യമത്തിനു നല്കിയ അഭിമുഖത്തിലായിരുന്നു ശില്പയുടെ ഈ തുറന്നുപറച്ചില്.
മകന് വിയാന് ഒരു സഹോദരനോ സഹോദരിയോ വേണമെന്ന ചിന്തയായിരുന്നു ഈ മാര്ഗത്തിലേക്ക് എത്തിച്ചത്. 'വിയാനു ശേഷം വര്ഷങ്ങള് കഴിഞ്ഞാണ് ഒരു കുഞ്ഞിനെ കുറിച്ച് ഞാന് ചിന്തിക്കുന്നത്. എന്നാല്, ആ സമയത്ത് പ്രതിരോധ ശേഷി കുറയ്ക്കുന്ന രീതിയിലുള്ള അസുഖം ബാധിച്ചു. പലതവണ ഞാന് ഗര്ഭം ധരിച്ചു. പക്ഷേ, അതെല്ലാം തന്നെ അബോര്ഷനാകുകയായിരുന്നു. അതൊരു വലിയ പ്രശ്നമായിരുന്നു.' ഒരിക്കല് ഒരു കുഞ്ഞിനെ ദത്തെടുത്താലോ എന്നു ചിന്തിച്ചിരുന്നതായും ശില്പ പറഞ്ഞു. ' വിയാനെ ഒറ്റമകനായി വളര്ത്താന് ഞാന് ആഗ്രഹിച്ചിരുന്നില്ല. കാരണം എനിക്ക് ഒരു സഹോദരിയുണ്ട്. നമുക്കൊപ്പം അങ്ങനെ ഒരാള് ഉള്ളതിന്റെ പ്രാധാന്യം എനിക്ക് നന്നായി അറിയാം. ഈ ചിന്തയില് നിന്നുമാണ് മറ്റ് ആശയങ്ങള് ഉദിച്ചത്. പക്ഷേ, അതില് വേറെയും ചില പ്രശ്നങ്ങള് ഉണ്ടായിരുന്നു. അതുകൊണ്ട് വിചാരിച്ചതു പോലെ നടന്നില്ല. അങ്ങനെ ദത്തെടുക്കാന് തീരുമാനിച്ചു. പക്ഷേ, ചില പ്രായോഗിക ബുദ്ധിമുട്ടുകള് നേരിടേണ്ടി വന്നു. നാലുവര്ഷം ഞങ്ങള് കാത്തു. ഒന്നും നടക്കില്ലെന്ന് ഉറപ്പായപ്പോഴാണ് ഈ മാര്ഗം സ്വീകരിച്ചത്.'
മൂന്നുതവണ ശ്രമിച്ചതിനു ശേഷമാണ് സമീക്ഷയെ കിട്ടിയതെന്നും ശില്പ വ്യക്തമാക്കി. 'അഞ്ച് വര്ഷമായി രണ്ടാമത്തെ കുഞ്ഞിനായി ഞങ്ങള് കാത്തിരിക്കുകയായിരുന്നു. പുതിയ സിനിമകള്ക്കുള്ള കരാറില് ഒപ്പു വച്ചിരുന്നു. പക്ഷേ, കഴിഞ്ഞ വര്ഷം ഫെബ്രുവരിയിലാണ് ഒരിക്കല് കൂടി മാതാപിതാക്കളാകുന്നു എന്ന സന്തോഷ വാര്ത്ത ഞങ്ങളെ തേടി എത്തിയത്.' ശില്പ ഷെട്ടി പറഞ്ഞു.
https://www.facebook.com/Malayalivartha
