ഓള് കേരള മെന്സ് അസോസിയേഷന് പ്രസിഡന്റ് വട്ടിയൂര്ക്കാവ് അജിത്ത് അറസ്റ്റില്
വനിതാ കൂട്ടായ്മയ്ക്കെതിരെ സോഷ്യല് മീഡിയയില് അധിക്ഷേപ പരാമര്ശ പരാതിയില് ഓള് കേരള മെന്സ് അസോസിയേഷന് പ്രസിഡന്റ് വട്ടിയൂര്ക്കാവ് അജിത്തിനെ സൈബര് പൊലീസ് അറസ്റ്റ് ചെയ്തു. വനിതാ ശിശു വികസന വകുപ്പിന്റെ നേതൃത്വത്തില് സംഘടിപ്പിച്ച വനിതാ കൂട്ടായ്മയ്ക്കെതിരെ സോഷ്യല് മീഡിയയില് അധിക്ഷേപ പരാമര്ശം നടത്തിയെന്ന പരാതിയിലാണ് അറസ്റ്റ്. പരിപാടിയില് പങ്കെടുത്ത സ്ത്രീകളെ ലക്ഷ്യമിട്ട് എ.ഐ. സാങ്കേതികവിദ്യ ഉപയോഗിച്ച് ലൈംഗിക ചുവയുള്ള പരാമര്ശങ്ങള് ഉള്പ്പെടുത്തിയ വീഡിയോ പ്രചരിപ്പിച്ചെന്നാണ് പരാതി. ശിശുക്ഷേമ വകുപ്പ് ഡയറക്ടര് നല്കിയ പരാതിയിലാണ് നടപടി.
സ്വാതന്ത്ര്യദിനത്തോടനുബന്ധിച്ച് വനിതാ ശിശു വികസന വകുപ്പിന്റെ നേതൃത്വത്തില് 'റീസര്ജ്, സേഫ് വുമണ്, സേഫ് കേരള' എന്ന ആശയത്തില് വനിതാ കൂട്ടായ്മ സംഘടിപ്പിച്ചിരുന്നു. പരിപാടിയുടെ വിവരങ്ങള് മന്ത്രി ബിന്ദു കൃഷ്ണ വാര്ത്താസമ്മേളനത്തിലൂടെ അറിയിച്ചതിന് പിന്നാലെയാണ് മെന്സ് അസോസിയേഷന്റെ ഭാഗത്തുനിന്ന് സോഷ്യല് മീഡിയയിലൂടെ അധിക്ഷേപകരമായ ഉള്ളടക്കം പ്രചരിച്ചതെന്നാണ് അധികൃതര് പറയുന്നത്.
തിരുവനന്തപുരം നഗരത്തിലാണ് വനിതാ കൂട്ടായ്മ സംഘടിപ്പിച്ചത്. സംസ്ഥാന വനിതാശിശു വികസന വകുപ്പിന്റെ നേതൃത്വത്തില് രാത്രി 9.30 മുതലായിരുന്നു പരിപാടി. എം.ജി റോഡില് യൂണിവേഴ്സിറ്റി ജംഗ്ഷന് മുതല് ആയുര്വേദ കോളേജ് ജംഗ്ഷന് വരെയായിരുന്നു പരിപാടി നടന്നത്. യൂണിവേഴ്സിറ്റി കോളേജ് ജംഗ്ഷനില് നടന്ന ചടങ്ങില് മുഖ്യമന്ത്രി വി.ഡി. സതീശന് ഉദ്ഘാടനം ചെയ്തു. സ്ത്രീകളുടെ സുരക്ഷയും അവകാശങ്ങളും മുന്നിര്ത്തിയായിരുന്നു കൂട്ടായ്മ സംഘടിപ്പിച്ചത്. സംഭവത്തില് സൈബര് പൊലീസ് അന്വേഷണം തുടരുകയാണ്.
https://www.facebook.com/Malayalivartha
