ബോളിവുഡ് താരം സല്‍മാന്‍ഖാനെ കൊലപ്പെടുത്താൻ ലോറൻസ് ബിഷ്‌ണോയിയുടെ പ്ലാൻ ബി: മൂന്ന് മാസത്തിനിടെ വധശ്രമമുണ്ടായത് രണ്ട് തവണ: സുരക്ഷ വർദ്ധിപ്പിച്ച് പോലീസ്:- ടൊയോട്ട ലാന്‍ഡ് ക്രൂയിസര്‍ എസ്‌യുവി ബുള്ളറ്റ് പ്രൂഫ് ഗ്ലാസാക്കി സല്‍മാന്‍ഖാൻ
പഞ്ചാബി ഗായകൻ സിദ്ധു മൂസ്വാലയെ കൊലപ്പെടുത്തിയ കേസിലെ പ്രതി ലോറൻസ് ബിഷ്‌ണോയിയുടെ സംഘത്തിലെ ആളുകൾ ബോളിവുഡ് നടൻ സൽമാൻ ഖാനെ കൊലപ്പെടുത്താൻ ഗൂഢാലോചന നടത്തിയെന്ന് വെളിപ്പെടുത്തി ഡൽഹി പോലീസ്. പഞ്ചാബി ഗായകനെ കൊല്ലുന്നതിന് മുമ്പ് സംഘം ഖാനെ കൊല്ലാൻ പ്ലാൻ ബി തയ്യാറാക്കിയിരുന്നു. നടന്റെ പൻവേലിലെ ഫാം ഹൗസിലെ ജീവനക്കാരുമായി ചങ്ങാത്തം കൂടാൻ സംഘത്തിലെ അംഗങ്ങൾ ശ്രമിച്ചതായി പോലീസ് പറഞ്ഞു. ഇവർ ഫാം ഹൗസിൽ വിശ്രമിക്കുകയും, ഒരു മാസത്തിലേറെയായി മുറി വാടകയ്‌ക്കെടുത്തതായും ഡൽഹി പോലീസിന്റെ സ്‌പെഷ്യൽ സെല്ലിലെ സ്‌പെഷ്യൽ പോലീസ് കമ്മീഷണർ എച്ച്‌ജിഎസ് ധലിവാൾ പറഞ്ഞു.
സല്‍മാന്‍ ഖാനും പിതാവ് സലിം ഖാനുമായിരുന്നു വധഭീഷണി. ഇന്ത്യ-നേപ്പാള്‍ അതിര്‍ത്തിയില്‍ നിന്ന് അടുത്തിടെ അറസ്റ്റിലായ ലോറന്‍സ് ബിഷ്‌ണോയ് സംഘത്തിലെ വെടിയേറ്റ ഗോള്‍ഡി ബ്രാര്‍, കപില്‍ പണ്ഡിറ്റ് എന്നിവരുടെ നേതൃത്വത്തിലായിരുന്നു പദ്ധതിയെന്ന് പഞ്ചാബ് പൊലീസ് പറഞ്ഞു. പൻവേലിൽ സൽമാൻ ഖാന്റെ ഒരു ഫാം ഹൗസ് ഉണ്ട്, അതിനാൽ അതേ ഫാം ഹൗസിലേക്കുള്ള വഴിയിൽ ലോറൻസിന്റെ ഷൂട്ടർമാർ ഒരു മുറി വാടകയ്‌ക്കെടുത്ത് ഒന്നര മാസത്തോളം ഇവിടെ താമസിച്ചിരുന്നു. ഖാനെ ആക്രമിക്കാന്‍ ചെറിയ തോക്കുകളുള്ള വെടിയുണ്ടകള്‍ അവരുടെ പക്കലുണ്ടായിരുന്നു.
2018ല്‍ തന്റെ സംഘത്തിലെ സമ്പത്ത് നെഹ്‌റയെ വെടിവയ്ക്കാന്‍ അയച്ചതായി ബിഷ്‌ണോയ് കുറ്റസമ്മതം നടത്തി. നെഹ്‌റയുടെ പക്കല്‍ ഒരു പിസ്റ്റള്‍ മാത്രമേ ഉണ്ടായിരുന്നുള്ളൂവെന്നും ദീര്‍ഘദൂര വെടിവയ്പ്പിനുള്ള ആയുധം ഇല്ലായിരുന്നുവെന്നും അതിനാല്‍ ഗുണ്ടാസംഘം ദിനേശ് ദാഗര്‍ എന്നയാള്‍ മുഖേന ആര്‍കെ സ്പ്രിംഗ് റൈഫിള്‍ ഓര്‍ഡര്‍ ചെയ്തുവെന്നും ബിഷ്‌ണോയ് പറഞ്ഞു. നാല് ലക്ഷം രൂപയ്ക്കാണ് റൈഫിള്‍ വാങ്ങിയത്. ദാഗറിന്റെ ഒരു അസോസിയേറ്റിനാണ് പണം നല്‍കിയതെന്നാണ് റിപ്പോര്‍ട്ട്. പിന്നീട് 2018ല്‍ ദാഗറിന്റെ കൈവശം നിന്ന് റൈഫിള്‍ കണ്ടെടുത്തു. വധഭീഷണിയെത്തുടര്‍ന്ന് സല്‍മാന്‍ ഖാന്‍ അടുത്തിടെ തന്റെ ടൊയോട്ട ലാന്‍ഡ് ക്രൂയിസര്‍ എസ്‌യുവി ബുള്ളറ്റ് പ്രൂഫ് ഗ്ലാസ് ഉപയോഗിച്ച് നവീകരിച്ചിരുന്നു.
https://www.facebook.com/Malayalivartha
