ഇന്നെന്റെ ഹൃദയം ആയിരം തവണ തകര്ന്നു; ഒരിക്കല്ക്കൂടി നിന്നെ എന്നോട് ചേര്ക്കാന് കഴിഞ്ഞിരുന്നെങ്കില് എന്നാഗ്രഹിച്ച്, പശ്ചാത്തപിച്ച്, എല്ലാം നഷ്ടപ്പെട്ട് ഒരു പക്ഷെ ആയിരം തവണ ഞാന് കരഞ്ഞു കാണും; ആ ദിവസം ഒരിക്കലും വരില്ലെന്നറിയാം; പക്ഷെ എന്റെ ഹൃദയത്തില് എന്നും നീയുണ്ടാകും; സണ്ണി കുറിക്കുന്നതിങ്ങനെ
സണ്ണി ലിയോണിനെ അറിയാത്തവരുണ്ടാകില്ല. എന്നാല് കരണ്ജിത് കൗര് വോറ എന്ന സണ്ണിയുടെ ഭൂതകാലത്തെപ്പറ്റി പലര്ക്കുമറിയില്ല. കാനഡയില് ജനിച്ചുവളര്ന്ന പഞ്ചാബി പെണ്കുട്ടി കരണ്ജിത് കൗര് വോറ സണ്ണി ലിയോണ് എന്ന പേരില് പോണ് സ്റ്റാറായതു മുതലുള്ള കാര്യങ്ങള് മാത്രമെ പലര്ക്കുമറിയു. ഇപ്പോഴിത സണ്ണിയുടെ ജീവിതം ആരാധകര്ക്കു മുന്നിലേക്കെത്തുന്നു.
കരണ് ജിത് കൗര് ദി അണ് ടോള്ഡ് സ്റ്റോറി ഓഫ് സണ്ണി ലിയോണ് എന്ന് പേരിട്ടിരിക്കുന്ന ടെലിവിഷന് പരമ്പരയിലൂടെയാണ് താരത്തിന്റെ ജീവിതം പ്രേക്ഷകര്ക്കു മുന്നിലേക്കെത്തുന്നത്. സണ്ണി തന്നെയാണ് സ്വന്തം ജീവിതകഥയില് അഭിനയിക്കുന്നത്. കരണ്ജിത് കൗര് അമേരിക്കന് പോണ് രംഗത്തെത്തിയതും പിന്നീട് അതുപേക്ഷിച്ച് ബോളിവുഡിലേക്ക് ചേക്കേറിയതുമാണ് പരമ്പരയിലൂടെ അവതരിപ്പിക്കുന്നത്.
സംഭവ ബഹുലമായ സ്വന്തം ജീവിതം വീണ്ടുമവതരിപ്പിക്കുന്നത് എളുപ്പമായിരുന്നില്ല പലപ്പോഴും സണ്ണിക്ക്. ഹൃദയ സ്പര്ശിയായ അഭിനയ മുഹൂര്ത്തങ്ങള്ക്കു ശേഷം വികാരാധീനയായി കുറിപ്പിട്ടിരിക്കുകയാണ് സണ്ണി.
'ഇന്നെന്റെ ഹൃദയം ആയിരം തവണ തകര്ന്നു. ഒരിക്കല്ക്കൂടി നിന്നെ എന്നോട് ചേര്ക്കാന് കഴിഞ്ഞിരുന്നെങ്കില് എന്നാഗ്രഹിച്ച് , പശ്ചാത്തപിച്ച്, എല്ലാം നഷ്ടപ്പെട്ട് ഒരു പക്ഷെ ആയിരം തവണ ഞാന് കരഞ്ഞു കാണും. ആ ദിവസം ഒരിക്കലും വരില്ലെന്നറിയാം. പക്ഷെ എന്റെ ഹൃദയത്തില് എന്നും നീയുണ്ടാകും. കരണ്ജിത്കൗര് എന്റെ രീതിയില് അത് ചെയ്തതില് കുറ്റബോധമുണ്ട്' സണ്ണി കുറിക്കുന്നു.
നേരത്തെയും ജീവിതത്തിലെ ഒരു രംഗം അഭിനയിച്ചപ്പോള് തകര്ന്നുപോയെന്ന് സണ്ണി പറഞ്ഞിരുന്നു. താന് ചെയ്ത കാര്യങ്ങള് കേട്ടപ്പോള് അച്ഛന് പൊട്ടിത്തകരുന്ന രംഗമുണ്ടായിരുന്നു. അത് പുനരവതരിപ്പിച്ചപ്പോള് തകര്ന്നുപോയെന്നും ഭാഗ്യത്തിന് സെറ്റില് ഭര്ത്താവ് ഡാനിയേല് ഉണ്ടായിരുന്നുവെന്നും അദ്ദേഹമാണ് തന്നെ സമാധാനിപ്പിച്ചതെന്നും സണ്ണി.
https://www.facebook.com/Malayalivartha