സിനിമയിലും അവാര്‍ഡ് വിതരണ ചടങ്ങിലും താരങ്ങള്‍ വേണ്ടെന്ന് ഡോ.ബിജു, പിന്നെ മോഹന്‍ലാലിന്റെയും ദിലീപിന്റെയും ജയസൂര്യയുടെയും ഡേറ്റ് തേടിപ്പോയതെന്തിന്?
സംസ്ഥാന ചലച്ചിത്ര പുരസ്‌ക്കാര വിതരണ ചടങ്ങില്‍ മുഖ്യാതിഥികളായി മോഹന്‍ലാലിനെ പോലുള്ള താരങ്ങള്‍ പങ്കെടുക്കരുതെന്ന ഡോ. ബിജുവിന്റെ വാദത്തിന് പിന്നിലെന്താണ്? ഇന്നലെ പല സിനിമാക്കാരും മാധ്യമപ്രവര്‍ത്തകരും ചോദിച്ച കാര്യമാണിത്. അവാര്‍ഡ് ചടങ്ങിന്റെ സ്വാഗതസംഘ യോഗം തിരുവനന്തപുരം ഭാഗ്യമാല ഓഡിറ്റോറിയത്തില്‍ ചേര്‍ന്നപ്പോള്‍ സാംസ്‌കാരിക മന്ത്രി എ.കെ ബാലന്‍, മുഖ്യാതിഥിയായി മോഹന്‍ലാലിനെ ക്ഷണിക്കുന്ന കാര്യം അറിയിച്ചിരുന്നു. ഉടന്‍ തന്നെ ജൂറി അംഗമായ ഡോ.ബിജു എതിര്‍പ്പ് അറിയിച്ചിരുന്നു. പൊതുജനങ്ങള്‍ ഉള്‍പ്പെടെ സംഘാടക സമിതിയിലുണ്ടായിരുന്നു.
എതിര്‍പ്പിന് പിന്നാലെ ഡോ. ബിജു ഇക്കാര്യം ഫെയിസ്ബുക്കിലൂടെ അറിയിച്ചു. എന്നാല്‍ മോഹന്‍ലാലിന്റെ പേര് വച്ചിരുന്നില്ല. തുടര്‍ന്നാണ് ചലച്ചിത്ര അക്കാദമിയിലെ ജനറല്‍ കൗണ്‍സില്‍ അംഗങ്ങളായ വി.കെ ജോസഫ്, ബീനാപോള്‍, ജി.പി രാമചന്ദ്രന്‍, മധുവാസുദേവ്, ബീനാപോള്‍, സജിത മഠത്തില്‍ എന്നിവര്‍ ഉള്‍പ്പെടെ 105 പേര് മുഖ്യമന്ത്രിക്ക് ഭീമന്‍ ഹര്‍ജി നല്‍കുകയായിരുന്നു. ഹര്‍ജിയില്‍ മോഹന്‍ലാലിന്റെ പേര് വച്ചിരുന്നില്ലെങ്കിലും ലക്ഷ്യം മോഹന്‍ലാല്‍ ആയിരുന്നെന്ന് വ്യക്തമാണ്. അത് മറച്ച് വെച്ച് പ്രകാശ് രാജ് ഉള്‍പ്പെടെയുള്ളവരുടെ സമ്മതം വാങ്ങുകയായിരുന്നെന്ന് വ്യക്തമാണ്. അമ്മയുടെ പ്രസിഡന്റായ ശേഷം മോഹന്‍ലാല്‍ ദിലീപിനെ തിരിച്ചെടുത്താണ് ഭീമന്‍ ഹര്‍ജിക്കാരെ ചൊടിപ്പിച്ചത്. മാത്രമല്ല അവാര്‍ഡ് വിതരണം താരനിശ ആക്കരുതെന്നും ഇവര്‍ വാദിക്കുന്നു.
മുഖ്യാതിഥിയായി മോഹന്‍ലാലിനെ പോലൊരു താരം വരുന്നത് അവാര്‍ഡ് ജേതാക്കളുടെ പ്രാധാന്യം കുറയ്ക്കുമെന്നും ഭീമന്‍ഹര്‍ജിക്കാര്‍ ചൂണ്ടിക്കാട്ടുന്നു. ഇനി ഇതിന്റെ മറുവശം പറയാം... കുറേ നാള്‍ മുമ്പ് നടന്ന സംഭവമാണ്. ഡോ. ബിജുവിന് മോഹന്‍ലാലിനോട് ഒരു കഥ പറയണം, ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണന്‍ അതിന് അവസരം ഒരുക്കി. ഡോ.ബിജു കഥപറഞ്ഞു. മോഹന്‍ലാല്‍ ചില സംശയങ്ങള്‍ ചോദിച്ചു. അതിന് വ്യക്തമായ മറുപടി നല്‍കാന്‍ ഡോ. ബിജുവിനായില്ല. അതോടെ താരങ്ങള്‍ സിനിമയ്ക്ക് വേണ്ട എന്ന നിലപാടിലായി സംവിധായകന്‍. അവാര്‍ഡ് ദാന ചടങ്ങിലും വേണ്ട താരങ്ങള്‍. അപ്പോ പിന്നെ താരത്തിന്റെ ഡേറ്റ് തേടി കഥ പറയാന്‍ പോയതോ, ദിലീപിന്റെ അടുത്തും ജയസൂര്യയുടെ അടുത്തും കഥപറയാന്‍ പോയതോ?
https://www.facebook.com/Malayalivartha
