ചലച്ചിത്ര അവാര്ഡ് ദാന ചടങ്ങില് മോഹന്ലാലിനെ മുഖ്യാതിഥിയാക്കുന്നതിനെതിരെ ഒരുമുന് നടി പ്രവര്ത്തിച്ചെന്ന് മനസിലായതിനെ തുടര്ന്നാണ് വിമന് ഇന് കളക്ടീവുമായി ചര്ച്ച വേണ്ടെന്ന് അമ്മ തീരുമാനിച്ചത്
ആഗസ്റ്റ് ഏഴിന് വിമന് ഇന് കളക്ടീവിലെ മൂന്ന് അംഗങ്ങളുമായി അമ്മ ചര്ച്ച നടത്തുമെന്ന് അറിയിച്ചെങ്കിലും അതുണ്ടാവില്ലെന്ന് അറിയുന്നു. പകരം കാര്യങ്ങള് ചോദിച്ച് അറിയുകമാത്രമാകും ഉണ്ടാവുക. ചര്ച്ച നടത്താമെന്ന് പറഞ്ഞെങ്കിലും സംസ്ഥാന ചലച്ചിത്ര അവാര്ഡ് ദാന ചടങ്ങില് അമ്മ പ്രസിഡന്റ് മോഹന്ലാലിനെ മുഖ്യാതിഥിയായി പങ്കെടുപ്പിക്കുന്നതിനെതിരെ ഒരു മുന്നടിയും പ്രവര്ത്തിച്ചെന്ന് കണ്ടെത്തിയതിനെ തുടര്ന്നാണ് പുതിയ തീരുമാനം. സംഘടനയുടെ പേരില് മോഹന്ലാലിനെ വേട്ടയാടിയവരുമായി യാതൊരു തരത്തിലുമുള്ള ഒത്തുതീര്പ്പ് വേണ്ടെന്നാണ് ഗണേഷും മുകേഷും ഇടവേളബാബുവും അടക്കമുള്ള ഭാരവാഹികള് ശക്തമായി ആവശ്യപ്പെടുന്നത്.
രേവതി, പാര്വതി, പത്മപ്രിയ എന്നിവര് നല്കിയ പരാതിയെ തുടര്ന്നാണ് ചര്ച്ചയ്ക്ക് വിളിച്ചത്. പാര്വതി അമ്മ തെരഞ്ഞെടുപ്പില് മത്സരിക്കാന് തീരുമാനിച്ചെന്ന വാദം ശരിയല്ലെന്ന് മോഹന്ലാല് വാര്ത്താസമ്മേളനത്തില് അറിയിച്ചിരുന്നു. അതിനെതിരെ പത്മപ്രിയ പരസ്യമായി രംഗത്തെത്തിയിരുന്നു. മത്സരിക്കാന് തീരുമാനിച്ചെങ്കിലും ജനറല് സെക്രട്ടറി ഇടവേളബാബു ഇടപെട്ട് പിന്തിരിപ്പിക്കുകയായിരുന്നെന്ന് പത്മപ്രിയ ആരോപിക്കുന്നു. ഇതിന് പിന്നാലെയാണ് ചലച്ചിത്ര അവാര്ഡ് ദാന ചടങ്ങില് മോഹന്ലാലിനെ പങ്കെടുപ്പിക്കരുതെന്ന ആവശ്യം ഉയരുന്നത്. ആ വിവാദം അവസാനിച്ചെങ്കിലും അത് വെച്ച് വിമന് ഇന് കളക്ടീവിനെ നേരിടാനാണ് അമ്മയുടെ തീരുമാനമെന്നറിയുന്നു.
അതേസമയം പരാതികള് ഉന്നയിച്ച ജോയി മാത്യുവിനെയും ഷമ്മിതിലകനെയും ചര്ച്ചയ്ക്ക് വിളിച്ചിട്ടുണ്ട്. ദിലീപിനെ സംഘടനയിലേക്ക് തിരിച്ചെടുക്കാന് തീരുമാനിച്ച ജനററല് ബോഡിയുടെ അജണ്ടയില് അതുണ്ടായിരുന്നെന്നും ആരും എതിര്ത്തില്ലെന്നും മോഹന്ലാല് പത്രസമ്മേളനത്തില് പറഞ്ഞിരുന്നു. എന്നാല് അത് ശരിയല്ലെന്നും പ്രസിഡന്റ് ഇക്കാര്യം മറച്ച് വച്ചിട്ട് അംഗങ്ങള് പ്രതിഷേധം അറിയിച്ചില്ലെന്നും പറയുന്നത് ശരിയല്ലെന്ന് കാട്ടി ജോയി മാത്യു കത്തെഴുതിയിരുന്നു. തുടര്ന്നാണ് ചര്ച്ചയ്ക്ക് വിളിക്കാന് തീരുമാനിച്ചത്. അന്തരിച്ച സിനിമാക്കാരെ അനുസ്മരിക്കാന് അമ്മ പുറത്തിറക്കിയ സുവനീറില് നിന്ന് നടന് തിലകനെ ഒഴിവാക്കിയതിനെതിരെ മകന് ഷമ്മി തിലകന് രംഗത്തെത്തിയിരുന്നു. മോഹന്ലാല് പ്രസിഡന്റായിരിക്കുമ്പോള് നീത് കിട്ടുമെന്നും ഷമ്മി പറഞ്ഞിരുന്നു. തുടര്ന്നാണ് അദ്ദേഹത്തെ ചര്ച്ചയ്ക്ക് വിളിച്ചത്.
https://www.facebook.com/Malayalivartha