സംവിധായകന് വിനയന് സിനിമാ സംഘടനകള് ഏര്പ്പെടുത്തിയ വിലക്ക് നീക്കിയതിനെതിരേ ഫെഫ്ക യൂണിയന് സുപ്രീം കോടതിയില്
സിനിമാ സംഘടനകള് സംവിധായകന് വിനയന് ഏര്പ്പെടുത്തിയ വിലക്ക് നീക്കിയതിനെതിരേ ഫെഫ്ക ഡയറക്ടേഴ്സ് യൂണിയന്, സുപ്രീം കോടതിയെ സമീപിച്ചു. വിലക്ക് നീക്കിയ കോമ്പറ്റീഷന് കമ്മിഷന് ഓഫ് ഇന്ത്യയുടെ ഉത്തരവുപ്രകാരം സിനിമാ സംഘടനകളില്നിന്നു പിഴ ഈടാക്കിയിരുന്നു
കോമ്പറ്റീഷന് കമ്മിഷന് ഓഫ് ഇന്ത്യയുടെ 2017 മാര്ച്ചിലെ ഉത്തരവുപ്രകാരം നടീനടന്മാരുടെ സംഘടനയായ 'അമ്മ'യ്ക്ക് 4,00,065 രൂപയും ഫെഫ്കയ്ക്ക് 85,594 രൂപയും ഫെഫ്ക ഡയറക്ടേഴ്സ് യൂണിയന് 3,86,354 രൂപയും ഫെഫ്ക പ്രഡക്ഷന് എക്സിക്യൂട്ടീവ് യൂണിയന് 56,661 രൂപയുമാണു പിഴ ചുമത്തിയത്. നാഷണല് കമ്പനി ലോ അപ്പലറ്റ് ട്രിബ്യൂണല് കഴിഞ്ഞ മാര്ച്ചില് ഇതു ശരിവച്ചു. ഈ പിഴശിക്ഷയും സുപ്രീംകോടതിയില് ഫെഫ്ക ചോദ്യംചെയ്യുന്നുണ്ട്. വിനയന്റെ വിലക്ക് നീക്കിയതിനെതിരേ 'അമ്മ' സുപ്രീം കോടതിയില് അപ്പീല് നല്കിയിട്ടില്ല.
വിനയനും ചലച്ചിത്രസംഘടനകളുമായുള്ള തര്ക്കത്തിനു തുടക്കമിട്ടത്, താന് നായകനായ ചിത്രത്തില്നിന്നു സംവിധായകന് തുളസീദാസിനെ മാറ്റണമെന്നു നടന് ദിലീപ് ആവശ്യപ്പെട്ടതാണ്. തുടര്ന്ന് വിനയന്റെ ചിത്രങ്ങളില് സഹകരിക്കുന്നതില്നിന്നു നടീനടന്മാരെയും സാങ്കേതികവിദഗ്ധരെയും സംഘടനകള് പിന്തിരിപ്പിച്ചെന്നായിരുന്നു ആരോപണം. വിനയനുമായി സഹകരിച്ചവരെ വിലക്കുകയും ചെയ്തു.
വിപണിയില് മത്സരിക്കാനുള്ള തന്റെ അവകാശത്തിനെതിരാണ് ഈ നടപടിയെന്ന വിനയന്റെ വാദം അംഗീകരിക്കപ്പെടുകയായിരുന്നു.
https://www.facebook.com/Malayalivartha