മോഹന്‍ലാല്‍ജീത്തു ജോസഫ് ടീമിന്റെ ഒടിടിയില്‍ റിലീസ് ചെയ്ത ദൃശ്യം 2 തിയേറ്ററുകളില്‍ റിലീസ് ചെയ്യാനൊരുങ്ങുകയാണ്. മോഹന്‍ലാലാണ് ഇക്കാര്യം സോഷ്യല്‍ മീഡിയയിലൂടെ പ്രഖ്യാപിച്ചത്. മീന, ആശ ശരത്, സിദ്ദിഖ്, അന്‍സിബ ഹസന്‍, എസ്തര്‍ അനില്‍, മുരളി ഗോപി, സുമേഷ് പഴന്തോട്ടം, അഞ്ജലി നായര്‍, സായി കുമാര്‍, ശാന്തി മായാദേവി, ദിനേശ് പ്രഭാകര്‍ തുടങ്ങിയവരാണ് ചിത്രത്തില്‍ പ്രധാനവേഷങ്ങളിലെത്തിയത്. ഈ വര്‍ഷം മേയ് 21നാണ് ദൃശ്യം 3 റിലീസ് ചെയ്യുക. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിച്ചിരിക്കുന്നത്.

2013ലാണ് മലയാളത്തിലെ എക്കാലത്തെയും മികച്ച ത്രില്ലറുകളിലൊന്നായ ദൃശ്യം പുറത്തിറങ്ങിയത്. ജോര്‍ജുകുട്ടിയുടേയും കുടുംബത്തിന്റേയും കഥ പിന്നെ പ്രേക്ഷകര്‍ കണ്ടത് എട്ടുവര്‍ഷങ്ങള്‍ക്കുശേഷം 2021ലാണ്. കോവിഡ് മൂര്‍ധന്യാവസ്ഥയില്‍ നിന്നതിനാല്‍ ഒടിടി റിലീസായാണ് ദൃശ്യം 2 ആസ്വാദകര്‍ക്ക് മുന്നിലെത്തിയത്. റിലീസ് ചെയ്തത് ഒടിടിയിലാണെങ്കിലും ആരാധകര്‍ ഇരുകയ്യും നീട്ടിയാണ് ചിത്രം സ്വീകരിച്ചത്.

തിയേറ്ററില്‍ റിലീസ് ചെയ്തിരുന്നെങ്കില്‍ 100 കോടി കളക്ഷന്‍ നേടേണ്ട ചിത്രമായിരുന്നു ദൃശ്യം 2 എന്നാണ് ആരാധകര്‍ പറയുന്നത്. ദൃശ്യം 3 റിലീസ് ചെയ്യുന്നതിന് മുന്നോടിയായി ഒരു സര്‍െ്രെപസ് പോലെയാണ് ഇപ്പോള്‍ ദൃശ്യം 2 തിയേറ്ററുകളിലെത്താന്‍ പോകുന്നതിന്റെ വാര്‍ത്ത മോഹന്‍ലാല്‍ പങ്കുവെച്ചത്. ചിത്രത്തിന്റെ പ്രത്യേക പോസ്റ്ററും അദ്ദേഹം പുറത്തുവിട്ടിട്ടുണ്ട്. ആദ്യഭാഗത്തെപ്പോലെ അപ്രതീക്ഷിത ക്ലൈമാക്‌സാണ് രണ്ടാം ഭാഗവും കാത്തുവെച്ചിരുന്നത്.