ന്യൂജനറേഷന്കാര്ക്ക് പഴയതലമുറയെ ബഹുമാനമില്ല: ഫാസില്
തലമുതിര്ന്ന സംവിധായകരെയും കലാകാരന്മാരെയും പാടെ അവഗണിച്ച് കളയുന്ന ന്യൂജനറേഷന് സിനിമാക്കാരുടെ സമീപനം ശരിയല്ലെന്ന് സംവിധായകന് ഫാസില്. മലയാളസിനിമയില് സംവിധായകര്ക്ക് വലിയ സ്ഥാനമുണ്ട്. പുതിയ പലരെയും ഉയര്ത്തികൊണ്ടുവന്ന, ഇപ്പോഴും അതിന് ശ്രമിച്ചുകൊണ്ടിരിക്കുന്ന നടനാണ് മമ്മൂട്ടി. മമ്മൂട്ടി പഴഞ്ചനാണെന്നു ന്യൂജനറേഷന്കാര് പറയുന്നത്. ആ മമ്മൂട്ടി അഭിനയിച്ച് സിദ്ധിക്ക് സംവിധാനം ചെയ്ത ഭാസ്ക്കര് ദി റാസ്ക്കല് സൂപ്പര്ഹിറ്റായി ഓടിക്കൊണ്ടിരിക്കുകയാണ്. ഇപ്പോള് കമലിന്റെ ഉട്ടോപ്യയിലെ രാജാവില് അഭിനയിക്കുന്നു. ഈ സിനിമയും സൂപ്പര്ഹിറ്റാകണം അത് മലയാളസിനിമയുടെ ആവശ്യമാണെന്നു ഫാസില് പറഞ്ഞു.
ഫാസില് ഉള്പ്പെടെയുള്ള പഴയതലമുറയിലെ സംവിധായകരെ പുതുതലമുറയിലെ പല നടന്മാരും സാങ്കേതിക വിദഗ്ധരും ബഹുമാനിക്കുന്നില്ല. പലരും മുതിര്ന്ന സംവിധായകര് ഫോണ് വിളിച്ചാലും എടുക്കാറില്ല. പഴയതലമുറയുടെ സിനിമകള് പുശ്ഛമാണ്. ജീവിതവുമായി ബന്ധമില്ലാത്തതും വിദേശ സിനിമകള് കോപ്പിയടിച്ചുമാണ് പുതുതലമുറയിലെ പലരും സിനിമ എടുക്കുന്നത്. എന്നിട്ട് ഒരു കാലകഘട്ടത്തില് മലയാളസിനിമയില് സൂപ്പര്ഹിറ്റുകളുണ്ടാക്കിയ സംവിധായകരെയും എഴുത്തുകാരെയും ആക്ഷേപിക്കുന്ന പ്രവണത മലയാളസിനിമയില് മാത്രമാണുള്ളത്. മറ്റ് ഭാഷകളില് അങ്ങനെയല്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha