ദിലീപ് ചിത്രം 'ഹെനോക് ദി മാന്‍ ഇന്‍ ദ മിസ്റ്റി'ന്റെ ടൈറ്റില്‍ എത്തി
ദിലീപിനെ കേന്ദ്രകഥാപാത്രമാക്കി ഉല്ലാസ് കൃഷ്ണ സംവിധാനം ചെയ്യുന്ന 'ഹെനോക് ദി മാന്‍ ഇന്‍ ദ മിസ്റ്റി'ന്റെ ടൈറ്റില്‍ ലുക്ക് പുറത്ത്. എം സ്റ്റാര്‍ എന്റര്‍ടെയ്ന്‍മെന്റ്‌സിന്റെ ബാനറില്‍ നിര്‍മിക്കുന്ന ചിത്രത്തിന്റെ പൂജ ആലപ്പുഴയില്‍ നടന്നു. ദുല്‍ഖര്‍ സല്‍മാന്റെ വേഫെറര്‍ ഫിലിംസാണ് ചിത്രം വിതരണം ചെയ്യുന്നത്.
ഓരോ സൂചനയും പുതിയ ചോദ്യങ്ങളിലേക്ക് നയിക്കുന്ന 'ഹൂ ഡണ്‍ ഇറ്റ്' മിസ്റ്ററി ത്രില്ലര്‍ സ്വഭാവത്തിലാണ് ചിത്രം ഒരുങ്ങുന്നത്. നിഗൂഢത നിറഞ്ഞ കഥാപശ്ചാത്തലവും ഉദ്വേഗജനകമായ അന്വേഷണവുമാണ് ചിത്രത്തിന്റെ പ്രധാന ആകര്‍ഷണമെന്ന സൂചനയാണ് ടൈറ്റില്‍ ലുക്ക് നല്‍കുന്നത്.
ചിത്രത്തിന് റോബിനും ഉല്ലാസ് കൃഷ്ണയും ചേര്‍ന്നാണ് തിരക്കഥ ഒരുക്കുന്നത്. ദുരൂഹമായ സംഭവത്തിന് പിന്നിലെ സത്യവും അതിലേക്ക് നയിക്കുന്ന സൂചനകളും അന്വേഷിക്കുന്ന മിസ്റ്ററി ത്രില്ലര്‍ എന്ന നിലയില്‍ 'ഹെനോക്' പ്രേക്ഷകരില്‍ ആകാംക്ഷയുണര്‍ത്തുന്നു. ചിത്രത്തിന്റെ പ്രമേയത്തെയും കഥാപാത്രങ്ങളെയും കുറിച്ചുള്ള കൂടുതല്‍ വിവരങ്ങള്‍ അണിയറപ്രവര്‍ത്തകര്‍ പുറത്തുവിട്ടിട്ടില്ല.
ജോണി ആന്റണി, എമില്‍ ജോര്‍ജ്, അര്‍ജുന്‍ രാധാകൃഷ്ണന്‍, ഗ്രേസ് ആന്റണി, മനോജ് കെ.യു, സുധി കോപ്പ, പ്രാര്‍ഥന എസ്, ശ്രുതി ജയന്‍, ഷാജു ശ്രീധര്‍, രഘുനാഥ് പലേരി, നിസ്താര്‍ സെയ്ത്, പ്രമോദ് വെളിയനാട്, സോഹന്‍ സീനുലാല്‍, വിനോദ് കെടാമംഗലം, ആശാ മഠത്തില്‍ ശ്രീകാന്ത് തുടങ്ങിയവരും ചിത്രത്തിലെ പ്രധാന താരനിരയിലുണ്ട്. ദിലീപും ശ്രദ്ധേയരായ മറ്റു താരങ്ങളും ഒന്നിക്കുന്ന ചിത്രം മലയാളത്തിലെ മിസ്റ്ററി ത്രില്ലര്‍ വിഭാഗത്തില്‍ പുതിയൊരു സിനിമാനുഭവം സമ്മാനിക്കുമെന്നാണ് പ്രതീക്ഷ.
നിര്‍മാണം: എം സ്റ്റാര്‍ എന്റര്‍ടെയ്ന്‍മെന്റ്‌സ്, സംവിധാനം: ഉല്ലാസ് കൃഷ്ണ, രചന: റോബിന്‍, ഉല്ലാസ് കൃഷ്ണ, ഛായാഗ്രഹണം: ഷാജികുമാര്‍, എഡിറ്റിങ്: ഷഫീഖ് വി.ബി, സംഗീതം: മുജീബ് മജീദ്, എക്‌സിക്യൂട്ടീവ് പ്രൊഡ്യൂസര്‍: എമില്‍ ജോര്‍ജ്, പ്രൊഡക്ഷന്‍ കോര്‍ഡിനേറ്റര്‍: നോബിള്‍ ജേക്കബ്, പ്രൊഡക്ഷന്‍ ഡിസൈനര്‍: സുനില്‍ ദാസ്, മേക്കപ്പ്: റോണക്‌സ് സേവ്യര്‍, കോസ്റ്റ്യൂം ഡിസൈനര്‍: അരുണ്‍ മനോഹര്‍, അസോസിയേറ്റ് ഡയറക്ടര്‍: ദീപക് എ. നാരായണ്‍, പ്രൊഡക്ഷന്‍ കണ്‍ട്രോളര്‍: ദീപക് പരമേശ്വരന്‍, ഡിസൈന്‍സ്: യെല്ലോ ടൂത്ത്‌സ്, സ്റ്റില്‍സ്: നന്ദു, വിതരണം: വേഫെറര്‍ ഫിലിംസ്, ഡിജിറ്റല്‍ പ്രമോഷന്‍സ്: അനൂപ് സുന്ദരന്‍, പി.ആര്‍.ഒ: ശബരി.
https://www.facebook.com/Malayalivartha
