ആരൊക്കെ എതിര്‍ത്താലും അമ്മയുമൊത്ത് വീണ്ടും ജഗതി ശ്രീകുമാറിനെ കാണുമെന്ന് മകള്‍ ശ്രീലക്ഷ്മി. കോഴിക്കോടുവച്ചുണ്ടായ അപകടത്തില്‍ പരുക്കുപറ്റിയ പപ്പ വെല്ലൂരിലെ ഹോസ്പിറ്റലില്‍ ചികിത്സയില്‍ കഴിയുമ്പോള്‍തന്നെ കോര്‍ട്ട് ഓര്‍ഡര്‍ വാങ്ങി പപ്പയെ കാണാന്‍ വെല്ലൂരില്‍ പോയിരുന്നുവെങ്കിലും ആരും അതിനനുവദിച്ചില്ലെന്ന് ശ്രീലക്ഷ്മി വിഷമത്തോടെ പറഞ്ഞു.അന്ന് മുതലുള്ള പ്രാര്‍ത്ഥനയായിരുന്നു പപ്പയെ കാണണമെന്ന്. പക്ഷേ, അതിനുള്ള സാഹചര്യം ഒത്തുവന്നില്ല. കേസ്സുള്ളതിനാല്‍ അഡ്വക്കേറ്റിന്റെ സഹായത്തോടെ കോര്‍ട്ട് ഓര്‍ഡര്‍ വാങ്ങി പപ്പയെ കാണാനുള്ള ശ്രമങ്ങള്‍ ഞങ്ങള്‍ നടത്തി വരികയായിരുന്നു. ശ്രീലക്ഷ്മി പറഞ്ഞു.
പപ്പയുടെ അമ്മയ്ക്ക് എന്നെ ഒരുപാട് ഇഷ്ടമായിരുന്നു. കൂടെക്കൂടെ അച്ഛമ്മയെ കാണാന്‍ പോകുമായിരുന്നു. അച്ഛമ്മ മരിച്ചതില്‍ പിന്നെയാണ് ആ വീടുമായി എനിക്ക് അകലം ഉണ്ടായത്. എന്റെ അമ്മയോടും എന്നോടും പപ്പയ്ക്ക് എന്ത് സ്‌നേഹമായിരുന്നു. തിരുവനന്തപുരത്തുള്ളപ്പോഴെല്ലാം വീട്ടില്‍വരും. ഓണത്തിനും വിഷുവിനും വീട്ടില്‍വന്ന് സദ്യ കഴിക്കുകയും എനിക്ക് ഓണക്കോടി സമ്മാനിക്കുകയും ഒക്കെ ചെയ്യുമായിരുന്നു.
ഞാന്‍ നന്നായി പഠിക്കണമെന്നും ഒരു നല്ല ജോലി നേടണമെന്നും പപ്പ വളരെയധികം ആഗ്രഹിച്ചിരുന്നു. അതിനുവേണ്ടി പപ്പയുടെ ഭാഗത്തുനിന്നും എനിക്ക് നല്ല പ്രോത്സാഹനം കിട്ടിയിട്ടുമുണ്ട്. 
പപ്പയുമായി ഈയൊരു കൂടിക്കാഴ്ചയിലൂടെ ഒരുപാട് ആളുകള്‍ എന്നെ സപ്പോര്‍ട്ടു ചെയ്യാനുണ്ടെന്നുള്ള കാര്യം എനിക്ക് മനസ്സിലായി.\' സിനിമയില്‍ നിന്ന് ഒരുപാട് പേര്‍ വിളിച്ചു. അതൊക്കെ കൂടുതല്‍ സന്തോഷം നല്‍കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha