ജയറാമും പ്രതാപ് പോത്തനും തമ്മിലുള്ള വഴക്ക് താര സംഘടനയായ അമ്മ പരിഹരിച്ചില്ലെങ്കില്‍ ജയറാം സൈബര്‍ സെല്ലിനെ സമീപിക്കുമെന്ന് സൂചന. ജയറാം അമ്മയ്ക്ക് രേഖാമൂലം പരാതി നല്‍കി കഴിഞ്ഞു. എന്നാല്‍ അമ്മയാകട്ടെ ജയറാമും പ്രതാപ് പോത്തനും തമ്മിലുള്ള വഴക്ക് രമ്യമായി പരിഹിരിക്കാനാണ് ശ്രമിക്കുന്നത്.
ജയറാമിന്റെ മകനോട് പുതിയ ചിത്രത്തില്‍ അഭിനയിക്കാമോ എന്ന് പ്രതാപ് പോത്തന്‍ ചോദിച്ചതു മുതലാണ് ബഹളം മൂര്‍ച്ഛിച്ചത്. എന്നാല്‍ പോത്തന്റെ ചിത്രത്തില്‍ അഭിനയിക്കേണ്ടതില്ലെന്ന് ജയറാം മകന് നിര്‍ദ്ദേശം നല്‍കി. യുവ സംവിധായകരുടെ ചിത്രത്തില്‍ അഭിനയിച്ചാല്‍ മതിയെന്നായിരുന്നു ജയറാമിന്റെ ഉപദേശം. ഇതില്‍ പ്രകോപിതനായ പ്രതാപ് പോത്തന്‍ ജയറാമിനെതിരെ തന്റെ ഓണ്‍ലൈനില്‍ പോസ്റ്റിട്ടു. തന്റെ സഹോദരന്‍ നിര്‍ദ്ദേശിച്ച ചിത്രത്തിലാണ് ജയറാം ആദ്യമായി അഭിനയിച്ചതെന്നായിരുന്നു പോത്തന്റെ പോസ്റ്റ്. തന്റെ സഹോദരന്റെ സംസ്‌കാരത്തില്‍ പങ്കെടുക്കാനുള്ള മര്യാദ പോലും ജയറാം കാണിച്ചില്ല. ഒരു അനുശോചന സന്ദേശം പോലും അയയ്ക്കാന്‍ അദ്ദേഹം തയ്യാറായില്ല. മാര്‍ലിന്‍ ബണ്‍ട്രോയാണെന്നാണ് ജയറാമിന്റെ വിചാരം. ഇതില്‍ പ്രകോപിതനായ ജയറാം അര്‍ത്ഥഗര്‍ഭമായ മൗനം പാലിക്കുകയായിരുന്നു. പിന്നീട് പോസ്റ്റ് ഓണ്‍ലൈനില്‍ നിന്നും നീക്കി. പോസ്റ്റില്‍ ജയറാമിന്റെ പേര് പറഞ്ഞിരുന്നില്ല എന്നതാണ് മറ്റൊരു കാര്യം.
ഏതായാലും രേഖാമൂലം പരാതി നല്‍കിയ ജയറാമിന്റെ നീക്കങ്ങള്‍ പ്രേമത്തിന്റെ വ്യാജപതിപ്പിനു പിന്നാലെ വന്‍ വിവാദമായിരിക്കുകയാണ്. ജയറാമിന്റെ വഴക്ക് വളര്‍ത്തി കൊണ്ടു പോകാന്‍ താര സംഘടനയായ അമ്മ ആഗ്രഹിക്കുന്നില്ല. അമ്മ ഇത്തരം പ്രശ്‌നങ്ങളില്‍ ഇടപെടേണ്ടതില്ലെന്നാണ് ഇന്നസെന്റിന്റെ നിലപാട്.
ജയറാമും പ്രതാപ് പോത്തനും തമ്മില്‍ അടുപ്പം പുലര്‍ത്തുന്ന മുതിര്‍ന്ന താരങ്ങളെ വിഷയത്തില്‍ ഇടപെടുവിക്കുവാന്‍ ഇന്നസെന്റ് ശ്രമിക്കുന്നുണ്ട്. അതിനിടെ അമ്മയുടെ തീരുമാനം എന്താണെന്നറിയട്ടെ എന്നാണ് ജയറാമിന്റെ നിലപാട്. തന്നെ പരിഹസിച്ച പോത്തനെ ഒരു പാഠം പഠിപ്പിക്കാന്‍ സൈബര്‍സെല്‍ തന്നെയാണ് നല്ലതെന്നും ജയറാം ആലോചിക്കുന്നു. എന്നാല്‍ പ്രതാപ് പോത്തന്‍ ജയറാമിന്റെ പേര് സൂചിപ്പിക്കാത്ത സാഹചര്യത്തില്‍ കേസ് നിലനില്‍ക്കുമോ എന്ന് സംശയമുണ്ട്. സൈബര്‍ സെല്ലിന്റെ സമയം കൊള്ളാം. പ്രേമത്തിനു പിന്നാലെ ജയറാം . മൊത്തം താരപ്രഭ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha