പ്രേമം ചോര്ന്ന സംഭവം; അല്ഫോണ്സ് പുത്രന്റെ മൊഴിയെടുത്തു
ദുരൂഹതകള് വിട്ടൊഴിയാതെ പ്രേമം തുടര്ക്കഥയാകുന്നു. വ്യാജ സിഡി പ്രചരിപ്പിച്ചതിന്റെ ഉറവിടം എവിടെനിന്നാണെന്ന് കണ്ടെത്താന് കഴിയാത്തതാണ് പോലീസിനെ കുഴയ്ക്കുന്നത്. ഇന്നലെ അറസ്റ്റിലായ വിദ്യാര്ഥികളെ കുടുക്കിയതാണെന്നും വാര്ത്തകളുണ്ട്. അതിനിടെ\'പ്രേമ\' ത്തിന്റെ സെന്സര് കോപ്പി ചോര്ന്ന സംഭവത്തില് സിനിമയുടെ സംവിധായകന് അല്ഫോണ്സ് പുത്രനെ പോലീസ് ഇന്ന് ചോദ്യം ചെയ്ത് മൊഴിയെടുത്തു. ആന്റി പൈറസി സെല് ഉദ്യോഗസ്ഥരാണ് അല്ഫോണ്സിന്റെ മൊഴിയെടുക്കുന്നത്. അല്ഫോണ്സ് പുത്രന്റെ വീടിനോട് ചേര്ന്നുള്ള സ്റ്റുഡിയോയിലാണ് ചിത്രത്തിന്റെ ഭൂരിഭാഗവും എഡിറ്റ് ചെയ്തത്.
ആന്റിപെറസി സെല് നിരവധി തവണ വിളിച്ചിരുന്നുവെങ്കിലും മൊഴിനല്കാന് അല്ഫോണ്സ് പുത്രന് എത്തിയിരുന്നില്ല. അനാരോഗ്യത്തെ തുടര്ന്നാണ് ഹാജരാകാന് കഴിയാതിരുന്നത് എന്ന് അല്ഫോണ്സ് അറിയിച്ചിട്ടുണ്ട്.
പോലീസ് നിരവധി തവണ ആവശ്യപ്പെട്ടതിനെ തുടര്ന്നായിരുന്നു ചിത്രത്തിന്റെ നിര്മ്മാതാവ് അന്വര് റഷീദും മൊഴിനല്കാന് എത്തിയത്.\'പ്രേമം\' ഇന്റര്നെറ്റിലിട്ട സംഭവത്തില് മൂന്ന് വിദ്യാര്ത്ഥികള് കഴിഞ്ഞ ദിവസം അറസ്റ്റിലായിരുന്നു. അന്വേഷണം നിര്ണ്ണായക ഘട്ടത്തിലാണെന്നാണ് നിലവിലെ സൂചന.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha