വ്യാജ പ്രേമത്തെ കണ്ടുപിടിക്കാനുള്ള ശ്രമത്തിനിടെ 8 കോപ്പികള്‍ പിടിച്ചെടുത്തു. പ്രേമം സിനിമയുടെ വ്യാജപതിപ്പിനെക്കുറിച്ച് അന്വേഷിക്കുന്ന പ്രത്യേകസംഘമാണ് തിരുവനന്തപുരത്തെ സെന്‍സര്‍ ബോര്‍ഡ് ആസ്ഥാനത്തുനിന്ന് സിനിമയുടെ എട്ട് ഡി.വി.ഡികള്‍ കസ്റ്റഡിയിലെടുത്തത്. ആദ്യം പരിശോധനയ്ക്കു ചെന്നപ്പോള്‍ പോലീസ് സംഘത്തെ ഓഫീസിനുള്ളില്‍ പ്രവേശിപ്പിക്കാന്‍ സെന്‍സര്‍ ബോര്‍ഡ് ഓഫീസര്‍ എ. പ്രതിഭ അനുവദിച്ചില്ല. തുടര്‍ന്ന് കോടതിയില്‍നിന്നു സെര്‍ച്ച് വാറന്റ് ഹാജരാക്കിയാണ് ആന്റി പൈറസി ഉദ്യോഗസ്ഥര്‍ ഓഫീസില്‍ പ്രവേശിച്ചത്.
അന്വേഷണസംഘം പലതവണ ആവശ്യപ്പെട്ടിട്ടും ചിത്രത്തിന്റെ മാസ്റ്റര്‍ കോപ്പി കൈമാറാനാവില്ലെന്ന നിലപാടാണ് സെന്‍സര്‍ ബോര്‍ഡ് അധികൃതര്‍ കൈക്കൊണ്ടത്. കസ്റ്റഡിയിലെടുത്ത ഡി.വി.ഡികള്‍ എഡിറ്റ് സ്യൂട്ടില്‍ വിശദമായ പരിശോധന നടത്തി. ചിത്രത്തിന്റെ പോസ്റ്റ് പ്രൊഡക്ഷന്‍ ജോലികളില്‍ പങ്കെടുത്ത ജീവനക്കാരുടെ മൊഴിയെടുത്തു. സെന്‍സര്‍ ബോര്‍ഡില്‍നിന്നാണ് ചിത്രത്തിന്റെ മാസ്റ്റര്‍ കോപ്പി പുറത്തുപോയതെന്ന നിഗമനത്തിലാണ് ആന്റി പൈറസി സെല്‍ ഉദ്യോഗസ്ഥര്‍ എത്തിച്ചേര്‍ന്നിട്ടുളളത്.
ചിത്രത്തിന്റെ അണിയറയില്‍ പ്രവര്‍ത്തിച്ച ഒരു പ്രമുഖനെ കേന്ദ്രീകരിച്ചാണ് അന്വേഷണം മുന്നോട്ടുപോകുന്നത്. ഇയാള്‍ക്ക് ഒരു പ്രമുഖ നടനുമായി അടുത്ത ബന്ധമുണ്ടെന്ന സൂചനയും അന്വേഷണസംഘത്തിനു ലഭിച്ചിട്ടുണ്ട്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha