\'പ്രേമ\'ത്തെ വിമര്‍ശിച്ച് പുലിവാലു പിടിച്ച് ജി.വേണുഗോപാല്‍. പ്രേമം കണ്ട് ആഘോഷിക്കുന്ന കേരളക്കരക്കാണോ വട്ട് അതോ എനിക്കാണോയെന്ന് വേണുഗോപാല്‍ ചോദിക്കുന്നു. പോസ്റ്റിന്റെ പൂര്‍ണരൂപം ഇങ്ങനെയാണ്.
പ്രേമം കണ്ടു കണ്ണു പറിഞ്ഞു.15കാരിയായ എന്റെ മകളോടും അവളുടെ സുഹൃത്തിനോടും ഒപ്പം ചിരിക്കണോ, അതോ ഭാര്യ രശ്മിയോടൊപ്പം പല്ലിളിക്കണോ എന്ന ് സംശയിച്ച ക്രൂര നിമിഷങ്ങള്‍. വര്‍ഷങ്ങളായി സിനിമ കാണുകയും ആസ്വദിക്കുകയും, പരിതപിക്കുകയും അലറി ചിരിക്കുകയും രഹസ്യമായി വിതുമ്പുകയും പല നടിമാരെയും അതതു കാലങ്ങളില്‍ സ്വപ്നം കാണുകയും പല മഹാനടന്മാരെയും മനസ്സില്‍ പ്രതിഷ്ടിക്കുകയും മലയാളത്തില്‍ വിന്‍സെന്റ്, കെ.എസ് സേതുമാധവന്‍, പി. എന്‍ മേനോന്‍, തുടങ്ങി കെ.ജി ജോര്‍ജ്ജ്, അരവിന്ദന്‍, ഭരതന്‍, പത്മരാജന്‍, സത്യന്‍ അന്തിക്കാട്, ശ്രീനിവാസന്‍ തൊട്ട് ഷാജി കൈലാസ് വരെയുള്ള സംവിധായകരെ ഇഷ്ടപ്പെടുകയും, ന്യൂ ജെനറേഷന്‍ സിനിമാ സംവിധായകരില്‍ അമല്‍ നീരദ്, സമീര്‍ താഹിര്‍, വിനീത് ശ്രീനിവാസന്‍ ഉള്‍പ്പടെയുള്ളവരെ ആദരിക്കുകയും ചെയ്യന്ന എനിക്കാണോ വട്ട്, അതോ പ്രേമം ആഘോഷിക്കുന്ന കേരളക്കരയ്ക്കാണോ വട്ട് . ഇനി മധ്യവയസ്സിന്റെ വിഹ്വലതകളില്‍ ഒന്നാണാ ഈ അനിഷ്ടം?\' വേണുഗോപാല്‍ ചോദിക്കുന്നു.
പോസ്റ്റ് ചെയ്ത് നിമിഷങ്ങള്‍ക്കകം ഇത് വൈറല്‍ ആയി.അനുകൂലിച്ചും പ്രതികൂലിച്ചും വാഗാദ്വം നിരന്നതോടെ വേണുഗോപാല്‍ ഫേസ് ബുക്ക് പോസ്റ്റ് ഡിലീറ്റ് ചെയ്യുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha