നാളത്തെ മലയാള സിനിമയുടെ പ്രേക്ഷകരെ തിരിച്ചറിഞ്ഞ് സുരാജ് വെഞ്ഞാറമ്മൂട്. തനിക്കുപറ്റിയ ഒരു അബദ്ധം നാട്ടുകാരെ അറിയിക്കുകയും ഒപ്പം ഒരു സത്യം വിളിച്ചുപറയുകയും കൂടിയാണ് താരം. അതിപ്പോള്‍ കേരളത്തില്‍ ഭൂരിപക്ഷമായിക്കൊണ്ടിരിക്കുന്ന ബംഗാളികളെക്കുറിച്ചാണ്.
എറണാകുളം ടൗണില്‍ ബെന്‍ എന്ന ചിത്രത്തിന്റെ ഷൂട്ടിങ് കാണാന്‍ ലൊക്കേഷനില്‍ തടിച്ച് കൂടിയ കാണികള്‍ക്ക് മുന്നില്‍ നിന്ന് സുരാജ് ഒരു ഫോട്ടോ എടുത്തു. പക്ഷേ അല്‍പസമയത്തേക്ക് സുരാജ് ഞെട്ടിപ്പോയി. കൂടി നില്‍ക്കുന്നവരില്‍ ആര്‍ക്കും സുരാജിനെ അറിയില്ല. സുരാജിനെ അറിയാത്ത മലയാളികള്‍ ഉണ്ടോ എന്ന് അത്ഭുതപ്പെട്ടു നില്‍ക്കുന്നതിനിടേയാണ് സത്യം മനസ്സിലാക്കുന്നത്. തടിച്ചു കൂടിയവരെല്ലാം ബംഗാളികളായിരുന്നു. സുരാജ് തന്നെയാണ് രസകരമായ ഈ സംഭവം ഫേസ്ബുക്കില്‍ കുറിച്ചത്. \'പറയാന്‍ പറ്റില്ല അവരാകും നാളത്തെ മലയാള സിനിമയുടെ പ്രേക്ഷകര്‍\' എന്നും സുരാജ് കുറിച്ചു.
ഇനി മുതല്‍ മലയാള സിനിമ കേരളത്തില്‍ ഇറക്കുമ്പോള്‍ ബംഗാളില്‍ സബ് ടൈറ്റില്‍ വേണം, നിങ്ങള്‍ നായകനായി ബംഗാളികളുടെ കൂടെ തകര്‍ത്ത് അഭിനയിക്കുന്ന ഒരു സിനിമയ്ക്കായി കാത്തിരിക്കുന്നു സുരാജ് ഭായ്, പകച്ചു പോയി സുരാജേട്ടന്റെ ബാല്യം എന്നു തുടങ്ങി രസകരമായ കമന്റുകളാണ് നിമിഷം തോറും പോസ്റ്റിനു വന്നു കൊണ്ടിരിക്കുന്നത്.
പോസ്റ്റ് ഇതിനോടകം തന്നെ സോഷ്യല്‍ മീഡിയയില്‍ വൈറലായി കഴിഞ്ഞു. നാളെ മലയാള സിനിമയുടെ പ്രേക്ഷകരും അവരായിരിക്കും താരം പറഞ്ഞത് സത്യമെന്ന് സമമതിക്കുന്നവരും കുറവല്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha