വ്യത്യസ്ത കഥാപാത്രങ്ങളിലൂടെ മലയാള സിനിമാ പ്രേക്ഷകരെ ഞെട്ടിച്ച കലാകാരനാണ് ജയസൂര്യ. താന്‍ തിരഞ്ഞെടുക്കുന്ന കഥാപാത്രങ്ങള്‍ മികവുറ്റതാക്കാന്‍ എറെ കഷ്ടപ്പെടുന്ന നടനുമാണ് ഇദ്ദേഹം. കഥാപാത്രങ്ങളുടെ പൂര്‍ണ്ണതയ്ക്കായി ഇത്രയധികം മെയ്‌ക്കോവര്‍ തടത്തുന്ന നടനും മലയാളത്തിലില്ല എന്നുവേണം പറയാന്‍. ഇരുപത്കാരനായും അറപതുകാരനായും തന്റെ കഥാപാത്രങ്ങളെ വളരെ തന്മയത്വത്തോടെ ചെയ്യുന്ന കലാകാരനാണ് ജയസൂര്യ. അഭിനയ പാരമ്പര്യമോ ഗോഡ് ഫാദേര്‍സ്സോ ഇല്ലാതെ മലയാള സിനിമയില്‍ പിടിച്ച് നില്ക്കാന്‍ സാധിക്കുകയില്ലയെന്ന പറയുന്നവരുടെ മുമ്പില്‍ അഭിമാനത്തോടെ തലയുയര്‍ത്തി നില്‍ക്കുന്നു ഈ നടന്‍. ഊമപ്പെണ്ണിന് ഉരിയാടപ്പയ്യന്‍ എന്ന സിനിമയിലൂടെ വിനയന്‍ കണ്ടെത്തിയ നടനായിരുന്നു ജയസൂര്യ. പിന്നീട് പല വിജയച്ചിത്രങ്ങളുടെയും നായകനായി തിളങ്ങി. കഴിഞ്ഞ വര്‍ഷം കുമ്പസാരം, ആട്, ലുക്കാച്ചുപ്പി, ജിലേബി, സു..സു സുധി വാത്മീകം, അമര്‍ അക്ബര്‍ അന്തോണി എന്നീ ചിത്രങ്ങളിലാണ് ജയസൂര്യ അഭിനയിച്ചത്. കഴിഞ്ഞ വര്‍ഷവും അപ്പോത്തിക്കരിയെന്ന സിനിമയിലെ അഭിനയത്തിന് അവാര്‍ഡ് പ്രതീക്ഷിച്ചിരുന്നെങ്കിലും ലഭിച്ചിരുന്നില്ല.
കഴിഞ്ഞ വര്‍ഷം ചെയ്ത കഥാപാത്രങ്ങളെല്ലാം തനിക്ക് പ്രിയപ്പെട്ടതാണെന്ന് ജയസൂര്യ പറഞ്ഞു. ജൂറിയുടെ പ്രത്യേക പുരസ്‌കാരം നേടിയ ശേഷം സംസാരിക്കുകയായിരുന്നു അദ്ദേഹം. അവാര്‍ഡ് നേടിയതിന്റെ സന്തോഷവും അദ്ദേഹം പങ്കുവച്ചു. സു..സു സുധി വാത്മീകത്തിലേയും ലുക്കാച്ചുപ്പിയിലേയും പ്രകടനമാണ് ജയസൂര്യയെ അവാര്‍ഡിന് അര്‍ഹനാക്കിയത്. എന്നാല്‍ ജൂറിയുടെ കണ്ണില്‍ തന്റെ ആ കഥാപാത്രങ്ങള്‍ മാത്രമായിരിക്കാം മികച്ചത്, പക്ഷെ കഴിഞ്ഞ വര്‍ഷം പരാജയപ്പെട്ടു പോയ സിനിമ ആട് ഒരു ഭീകരജീവിയാണിലെ ഷാജി പാപ്പനുള്‍പ്പടെ ചെയ്ത കഥാപാത്രങ്ങളെല്ലാം പ്രിയപ്പെട്ടതാണെന്ന് അദ്ദേഹം പറഞ്ഞു.
മികച്ച നടനു വേണ്ടിയുള്ള മത്സരത്തില്‍ ദുല്‍ഖറിനൊപ്പം അവസാന നിമിഷം വരെ ജയസൂര്യയുമുണ്ടായിരുന്നു. അവാര്‍ഡ് ജേതാക്കള്‍ക്ക് സോഷ്യല്‍ മീഡിയയില്‍ ആശംസകള്‍ ഒഴുകുമ്പോഴും 'ജനങ്ങളുടെ അവാര്‍ഡ് നിങ്ങള്‍ക്കാണ് ജയേട്ടാ' എന്ന് ചിലയിടെത്തെങ്കിലും എഴുതി കണ്ടു. അതു പോരെ അതിലും വലിയ അംഗീകാരം എന്തുണ്ട് ഒരു നടന് ലഭിക്കാന്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha