കുറഞ്ഞ പലിശയ്ക്ക് പണം നല്‍കാമെന്ന് വാഗ്ദാനം ചെയ്ത് ആളുകളില്‍ നിന്ന് സ്വര്‍ണം വാങ്ങി തട്ടിപ്പ് നടത്തിയ കേസില്‍ മുഖ്യപ്രതി ശ്രീലകം ഫിനാന്‍സ് മാനേജര്‍ ടിനു തമ്പാന്‍ അറസ്റ്റിലായി. കുറത്തിക്കാട് പൊലീസ് കായംകുളത്ത് ഒരു വീട്ടില്‍ നിന്നാണ് പ്രതിയെ പിടികൂടിയത്. കേസില്‍ യുവമോര്‍ച്ചാ ജില്ലാ ജനറല്‍ സെക്രട്ടറി രാഹുല്‍ രാധാകൃഷ്ണനും സ്ഥാപന ഉടമ രാധാകൃഷ്ണപിള്ളയും ഒളിവിലാണ്. പ്രതികള്‍ 100 പവനോളം സ്വര്‍ണം തട്ടിയെടുത്തുവെന്നാണ് പരാതി ലഭിച്ചിരിക്കുന്നത്.

കുറഞ്ഞ പലിശയ്ക്ക് പണം നല്‍കാമെന്ന് വാഗ്ദാനം ചെയ്ത് ആളുകളില്‍ നിന്ന് സ്വര്‍ണം വാങ്ങി വഞ്ചിച്ചുവെന്ന കേസില്‍ മുഖ്യപ്രതിയാണ് ടിനു തമ്പാന്‍. സ്വര്‍ണപണയത്തിനായി കൊണ്ടുവരുന്ന ആഭരണങ്ങള്‍ പ്രതി മറിച്ചുവില്‍ക്കുകയായിരുന്നു. ആവശ്യക്കാര്‍ എത്തിയപ്പോഴാണ് വിവരം പുറത്തറിഞ്ഞത്. തുടര്‍ന്ന് പൊലീസിന് ഇവര്‍ക്കെതിരെ നിരവധി പരാതി ലഭിക്കുകകയായിരുന്നു. സ്ഥാപനത്തിനെതിരെ നൂറിലധികം പരാതികള്‍ ലഭിച്ചതായാണ് പൊലീസ് വ്യക്തമാക്കിയിരിക്കുന്നത്. ടിനു തമ്പാനെ അറസ്റ്റ് ചെയ്യാന്‍ വൈകുന്നതില്‍ പൊലീസിനെതിരെ കടുത്ത വിമര്‍ശനം ഉയര്‍ന്നിരുന്നു.