അന്സിബയുടെ നീക്കം ആസൂത്രിതമെന്ന് അമ്മ പ്രസിഡന്റ് ശ്വേത മേനോന്
നടന് ടിനി ടോമിനെതിരെ നടി അന്സിബ ഹസന് ഉന്നയിച്ച ആരോപണങ്ങള്ക്ക് പിന്നില് കൃത്യമായ ഗൂഢാലോചനയുണ്ടെന്ന് സംശയിക്കുന്നതായി 'അമ്മ' പ്രസിഡന്റ് ശ്വേത മേനോന്. സംഘടനയുടെ ക്യാമ്പ് നടക്കുന്ന ദിവസം തന്നെ ഇങ്ങനെയൊരു പരാതി ഉയര്ന്നത് ആസൂത്രിത നീക്കമാണെന്ന് ശ്വേത മേനോന് പറയുന്നു. കൊച്ചിയില് മാദ്ധ്യമങ്ങളോട് സംസാരിക്കുകയായിരുന്നു അവര്.
മാദ്ധ്യമങ്ങളിലൂടെ പുറത്തുവന്ന അന്സിബയുടെ പരാതി ഇന്ന് ഉച്ചയ്ക്ക് രണ്ട് മണിയോടെയാണ് സംഘടനയ്ക്ക് ലഭിച്ചതെന്നും ശ്വേത മേനോന് പറഞ്ഞു. പരാതി ലഭിച്ചതിനെത്തുടര്ന്ന് അന്സിബയെ ഫോണില് ബന്ധപ്പെടാന് ശ്രമിച്ചെങ്കിലും ഫോണ് എടുത്തില്ലെന്നും ശ്വേത കൂട്ടിച്ചേര്ത്തു. സംഘടനയുടെ ചട്ടങ്ങള്ക്കനുസരിച്ച് വിഷയത്തില് കൃത്യമായ പരിശോധന ഉണ്ടാകുമെന്നും അവര് ഉറപ്പുനല്കി.
ഈ മാസം 12നാണ് അന്സിബയുടെ രാജി സംഘടന സ്വീകരിച്ചത്. എന്നാല് വ്യക്തിപരമായ കാരണങ്ങളാല് രാജി വയ്ക്കുന്നുവെന്നാണ് കത്തില് ഉണ്ടായിരുന്നത്. അതില് ടിനി ടോമിനെതിരെയുള്ള ആരോപണങ്ങളൊന്നും പരാമര്ശിച്ചിരുന്നില്ല. മുന്പ് പൊലീസില് നല്കിയ പരാതിയെക്കുറിച്ച് മാത്രമാണ് അന്സിബ തന്നോട് സംസാരിച്ചിട്ടുള്ളതെന്നും, പൊലീസ് കേസ് ആയതിനാല് സംഘടനയ്ക്ക് അതില് ഇടപെടാന് കഴിയില്ലെന്ന് വ്യക്തമാക്കിയതാണെന്നും ശ്വേത മേനോന് അറിയിച്ചു.
ഒരു മതസ്ഥാപനത്തെ സ്പോണ്സറാക്കുന്നതുമായി ബന്ധപ്പെട്ട് അന്സിബ എക്സിക്യൂട്ടീവ് കമ്മിറ്റിയില് എതിര്പ്പ് പ്രകടിപ്പിച്ചിരുന്നു. എന്നാല് കമ്മിറ്റിയിലെ ഭൂരിഭാഗം അംഗങ്ങളും ആ തീരുമാനത്തെ അനുകൂലിക്കുകയാണുണ്ടായത്. നിലവിലെ സാഹചര്യത്തില് അന്സിബയുടെ ഭാഗം കൂടി കേള്ക്കാന് സംഘടന തയ്യാറാണെന്നും, എക്സിക്യൂട്ടീവ് കമ്മിറ്റി പരാതി വിശദമായി പരിശോധിക്കുമെന്നും ശ്വേത മേനോന് വ്യക്തമാക്കി.
https://www.facebook.com/Malayalivartha
