ഞാനേ അടിക്കുന്നുള്ളൂ, നീ ചാറില് മുക്കി നക്കിയാല് മതി, ജോജിയും നിശ്ചലും മലയാളികളെ ചിരിപ്പിച്ചു തുടങ്ങിയിട്ട് ഇന്ന് 25 വര്ഷം
മലയാളത്തിലെ എക്കാലത്തെയും ഹിറ്റുകളിലൊന്നായ മോഹന്ലാല് പ്രിയദര്ശന് കൂട്ട് കെട്ടില് പിറന്ന കിലുക്കം മലയാളികള്ക്ക് മുന്നിലെത്തിയിട്ട് ഇന്നേക്ക് 25 വര്ഷം തികയുന്നു. മലയാളത്തിലെ ഏറ്റവും മികച്ച ഹാസ്യ ചിത്രങ്ങളിലൊന്നായി കരുതപ്പെടുന്ന കിലുക്കം ബോക്സ് ഓഫീസിലും വന് വിജയമായിരുന്നു. ചിത്രത്തിലെ ഹാസ്യ രംഗങ്ങള്ക്ക് ഇന്നും ജനപ്രീതിയുണ്ട്.
സുപ്രീം കോടതിയില് നിന്നും റിട്ടയര് ചെയ്ത ചീഫ് ജസ്റ്റീസ് പിള്ളയുടെ (തിലകന്) അവിഹിത ബന്ധത്തിലുള്ള മകളാണ് താന് എന്ന തെറ്റിദ്ധാരണയില് നന്ദിനി പിതാവിനെ അന്വേഷിച്ച് ഊട്ടിയിലെത്തുന്നു. ജോജി എന്ന ടൂറിസ്റ്റ് ഗൈഡിനെ പരിചയപ്പെടുന്ന അവള്, ഭ്രാന്ത് അഭിനയിച്ച് ജോജിയിടെ വീട്ടില് കയറിക്കൂടുന്നു. സാവധാനം നന്ദിനി സത്യം വെളിപ്പെടുത്തുകയും അവര് പ്രണയത്തിലാകുകയും ചെയ്യുന്നു. നിശ്ചല് തുടര്ച്ചയായി ഹോസ്പിറ്റലില് പ്രവേശിക്കപ്പെടുന്നതും കിട്ടുണ്ണി ജഡ്ജി പിള്ളയോട് വിട പറയുന്നതുമായ രംഗങ്ങള് ടിവിയില് ആവര്ത്തിച്ച് പ്രക്ഷേപണം ചെയ്യപ്പെടുന്നത്തിന്റെ കാരണവും മറ്റൊന്നല്ല.
ചിത്രം പൂര്ണ്ണമായും തന്നെ ഊട്ടിയിലും പരിസരപ്രദേശങ്ങളിലുമാണു ചിത്രീകരിച്ചിരിക്കുന്നതു. സിനിമയിലെ രംഗങ്ങള്ക്കു സ്കാന്ഡിനേവിയന് ഭംഗി ലഭിക്കുന്നതിനായി ഔട്ട്ഡോര് രംഗങ്ങള് ഭൂരിഭാഗവും വെളുപ്പാന് കാലത്താണു ചിത്രീകരിച്ചതെന്നു പ്രിയദര്ശന് ഒരു ഇന്റര്വ്യൂവില് പറഞ്ഞിരുന്നു.
https://www.facebook.com/Malayalivartha
