മദ്യപിച്ചെന്ന് ആരോപിച്ച് ഓര്ബിറ്റ് ചവച്ച നടനെ കൊച്ചി പൊലീസ് കസ്റ്റഡിയിലെടുത്തു; രക്ത പരിശോധനയ്ക്ക് ശേഷം മാപ്പു പറഞ്ഞ് വിട്ടയച്ചു; കുടുങ്ങിയത് ജൂനിയര് ആടുതോമ
ആടുതോമയും പോലീസും ഇപ്പോഴും കലിപ്പില് തന്നെയോ. മദ്യപിച്ച് വാഹനമോടിച്ചുവെന്ന് ആരോപിച്ച് നടനും സംവിധായകനുമായ രൂപേഷ് പീതാംബരനെ പൊലീസ് കസ്റ്റഡിയിലെടുത്ത ശേഷം വിട്ടയച്ചു. ഇന്നലെ രാവിലെ കൊച്ചി ഇടപ്പള്ളി ജംഗ്ഷനില്വച്ചായിരുന്നു സംഭവം.
ജംഗ്ഷനിലെത്തിയപ്പോള് ഒരു പൊലീസുകാരന് ആല്ക്കഹോള് ഡിറ്റക്ടറുമായി എത്തി രപേഷ് മദ്യപിച്ചിട്ടുണ്ടോയെന്ന് പരിശോധിക്കുകയായിരുന്നു. രുപേഷ് മെഷീനിലേക്ക് ഊതിയപ്പോള് ബീപ് ശബ്ദം പുറത്തു വന്നു. ഓര്ബിറ്റ് ചവച്ചതിനാലാണ് ബീപ്പ് ശബ്ദം ഉണ്ടായതെന്ന് പറഞ്ഞെങ്കിലും, അത് കണക്കിലെടുക്കാതെ രൂപേഷിനെ സ്റ്റേഷനിലേക്ക് കൊണ്ടു പോവുകയായിരുന്നു. പിന്നീട് നടന്ന രക്തപരിശോധനയിലാണ് മദ്യപിച്ചിട്ടില്ലെന്ന് പൊലീസ് കണ്ടെത്തിയത്.
സംഭവത്തെക്കുറിച്ച് രൂപേഷ് പറയുന്നത് ഇങ്ങനെ:
വാഹനം ഓടിക്കുമ്പോള് ഓര്ബിറ്റോ വിക്സ് മിഠായിയോ ചവയ്ക്കുന്നുണ്ടെങ്കില് പൊലീസ് നിങ്ങളെ തടഞ്ഞു നിര്ത്തും. ശേഷം ആല്ക്കഹോള് ഡിറ്റക്ടറില് ഊതാന് പറയും. ഉടന് തന്നെ മെഷീനില് ബീപ്് ശബ്ദം കേള്ക്കും. അതോടെ നിങ്ങളെ പൊലീസ് സ്റ്റേഷനിലേക്കോ ആശുപത്രിയിലോ കൊണ്ടുപോയി രക്തം പരിശോധിക്കും.
പരിശോധനയില് നിങ്ങള് കുറ്റക്കാരനല്ലെന്ന് കണ്ടെത്തി പൊലീസ് മാപ്പ് പറയും. നിങ്ങള്ക്കുണ്ടായ ബുദ്ധിമുട്ടില് വിശദീകരണം ആവശ്യപ്പെട്ടാല് കാലഹരണപ്പെട്ട ആല്ക്കഹോള് ഡിറ്റക്ടറിനെ പഴി പറഞ്ഞ് പൊലീസ് തടിയൂരും. ഇത്തരം ബുദ്ധിമുട്ടുകള് ഒഴിവാക്കാന് ഓര്ബിറ്റും വിക്സ് മിഠായിയും നിരോധിക്കുകയാണോ വേണ്ടതെന്നും രൂപേഷ് ചോദിക്കുന്നു.
സ്ഫടികം സിനിമയില് മോഹന്ലാല് അവതരിപ്പിക്കുന്ന ആട് തോമയുടെ ചെറുപ്പകാലം അവതരിപ്പിച്ചാണ് രൂപേഷ് പീതാംബരന് ശ്രദ്ധേയനാകുന്നത്. നവാഗതനായ ടോം ഇമ്മട്ടി സംവിധാനം ചെയ്യുന്ന ഒരു മെക്സിക്കന് അപാരതയിലും രൂപേഷ് ശ്രദ്ധേയമായ വേഷം ചെയ്യുന്നുണ്ട്
https://www.facebook.com/Malayalivartha
