അവിവാഹിതയായ എന്റെ ജീവിതം നശിപ്പിക്കാനാണ് പോലീസ് നീങ്ങുന്നതെന്ന് നടി ചാര്‍മി കൗര്‍.നടി ഉള്‍പെട്ട സംഘം മയക്കുമരുന്ന് കടത്തിലാണ് പിടിയിലാകുന്നത്. ചോദ്യം ചെയ്യലിനായി തെലുങ്കാന എക്‌സൈസ് വകുപ്പിന് മുന്നില്‍ ഹാജരാകാന്‍ നടിക്ക് നോട്ടീസ് ലഭിച്ചതിന് പിന്നാലെയാണ് ചാര്‍മിയുടെ വിശദീകരണം. ബലപ്രയോഗത്തിലൂടെ തന്റെ നഖം, തലമുടി, രക്തം എന്നിവ പരിശോധനയ്ക്കായി എടുക്കരുതെന്നും ചാര്‍മി ആവശ്യപ്പെട്ടു. ജൂലൈ 26നാണ് ചോദ്യം ചെയ്യലിന് ഹാജരാകാന്‍ ആവശ്യപ്പെട്ടിരിക്കുന്നത്.
തനിക്ക് മയക്കുമരുന്ന് കേസുമായി യാതൊരു ബന്ധവുമില്ല. ഞാന്‍ അവിവാഹിതയായ ഒരു യുവതിയാണ്. ഈ കേസ് എന്റെ ഭാവിയേയും കരിയറിനേയും എങ്ങനെ ബാധിക്കുമെന്ന് അറിയാം. മനപ്പൂര്‍വ്വം എന്റെ ജീവിത തകര്‍ക്കാനുള്ള ഗുഡാലോചനയാണിതെന്നും ചാര്‍മി പറഞ്ഞു.
ലഹരി മാഫിയയുമായി ബന്ധമുണ്ടെന്നറിഞ്ഞ് സൂപ്പര്‍ സ്റ്റാര്‍ രവി തേജയുള്‍പ്പെടെ തെലുങ്ക് സിനിമ രംഗത്ത് പ്രശസ്തരായ 15 താരങ്ങള്‍ക്കെതിരെയാണ് നോട്ടീസ് അയച്ചിരിക്കുന്നത്്. രവി തേജ, പുരി ജഗന്നാഥ്, സുബ്രാം രാജു, ഗീതാ മാധുരിയുടെ ഭര്‍ത്താവ് നന്ദു, താനിഷ്, നവദീപ്, മുമൈത്ത് ഖാന്‍ തുടങ്ങിയവര്‍ക്കാണ് നോട്ടീസ്. ഇവരില്‍ പലരെയും അന്വേഷണ സംഘം ചോദ്യം ചെയ്തു കഴിഞ്ഞു.