മോഹന്ലാലിന്റെ പേരില് തട്ടിപ്പും വെട്ടിപ്പും നടത്തി ജോലിക്ക് ഒന്നും പോകാതെ വയറു നിറക്കാന് ചിലരുണ്ടെന്ന് ആക്ഷേപം, ഇതേ തുടര്ന്ന് യുവാക്കള് ഔദ്യോഗിക ഫാന്സില് നിന്ന് കൊഴിഞ്ഞു പോകുന്നു. 150 രൂപയുടെ ടിക്കറ്റ് 250 രൂപയ്ക്ക് വിറ്റ് കൊള്ളലാഭം നേടിയെന്നും ആക്ഷേപം
മോഹന്ലാലിന്റെ അറിവോടെ നടത്തുന്ന താരസംഘടന പണം വെട്ടിപ്പിനെ തുടര്ന്ന് രണ്ടായി പിളര്ന്നു. ഓള് കേരള മോഹന്ലാല് ഫാന്സ് ആന്ഡ് കള്ച്ചറല് വെല്ഫെയര് അസോസിയേഷന് പിളര്ന്ന് യുവാക്കള് യൂണിവേഴ്സല് റിയല് ഫാന്സ് ആന്ഡ്് വെല്ഫയര് അസോസിയേഷന് രൂപീകരിച്ചു (യു.ആര്.എം.എഫ്.ഡബ്ല്യൂ.ഒ). മുമ്പും ഈ രണ്ട് സംഘടനകളും ഒരുമിച്ചായിരുന്നു പ്രവര്ത്തിച്ചിരുന്നത്. ഔദ്യോഗിക സംഘടനയിലെ ചില നേതാക്കള് നടത്തിയ സാമ്പത്തിക ക്രമക്കേട് തെളിവ് സഹിതം യുവാക്കള് ഫെയിസ്ബുക്കിലൂടെയും മറ്റും പ്രചരിപ്പിച്ചതോടെയാണ് പ്രശ്നങ്ങള് ആരംഭിച്ചതെന്ന് യു.ആര്.എം.എഫ്.ഡബ്ല്യൂ.ഒ ഭാരവാഹികള് ഫെയിസ്ബുക്കിലൂടെ പറയുന്നു. ലെറ്റര്പാഡില് മോഹന്ലാലിന്റെ വ്യാജ ഒപ്പിട്ട് ഔദ്യോഗിക ഫാന്സ് എ.കെ.എം.എഫ്.ഡബ്ല്യൂ.സി.എ ആണെന്ന് പ്രചരിപ്പിക്കുകയാണെന്നും ഇവര് ആരോപിക്കുന്നു.
തിരുവനന്തപുരം ഫാന്സ് അസോസിയേഷന് ഒരുപാട് പണം തട്ടിയെടുത്തെന്നും ആരോപിക്കുന്നു. 20 വര്ഷമായി സ്ഥാനത്തു കെട്ടി പിടിച്ചു ഇരിക്കുന്നവന് കാണിച്ചു കൂട്ടിയ അഴിമതികള് നിരവധിയാണ്. സംഘടന ലെറ്റര് പാടും സീലും മോഹന്ലാലിന്റെ വ്യാജ ഒപ്പും കണ്ട് ഞങ്ങള് ഭയക്കില്ലെന്ന് യു.ആര്.എം.എഫ്.ഡബ്ല്യൂ.ഒ ചൂണ്ടിക്കാട്ടുന്നു. വില്ലന് സിനിമയുടെ 150 രൂപയുടെ ടിക്കറ്റ് തിരുവനന്തപുരം ജില്ലാ കമ്മിറ്റി അംഗങ്ങള്ക്ക് 250 രൂപയ്ക്കാണ് വിറ്റതെന്നും ഇത് ചൂണ്ടിക്കാട്ടിയിട്ടും സംഘടനയുടെ തലപ്പത്തിരിക്കുന്ന വിമല്കുമാര് നടപടിയെടുത്തില്ലെന്നും ഫെയിസ്ബുക്കിലൂടെ അംഗങ്ങള് പറയുന്നു.
2010 ല് ഓണ്ലൈന് യൂണിറ്റ് തുടങ്ങിയ സജീവിനെ ഒതുക്കാന് എ.കെ.എം.എഫ്.ഡബ്ല്യൂ.സി.എയിലെ ചിലര് ചേര്ന്ന് സംസ്ഥാന കമ്മിറ്റിയില് കാണിക്കാന് തയ്യാറാക്കിയ ലെറ്റര് പാഡ് ആണ് മോഹന്ലാലിന്റേതെന്ന പേരില് ഇപ്പോള് പ്രചരിപ്പിക്കുന്നതെന്നും ഇതെഴുതിയത് അന്നത്തെ തിരുവനന്തപുരം ജില്ലാ പ്രസിഡന്റ് ആയിരുന്ന സാജന് കമലേശ്വരം ആണെന്നും ഫെയിസ്ബുക്ക് കമന്റിലൂടെ ടോണി കുരിശിങ്കല് എന്ന പേരുള്ളയാള് ആരോപിക്കുന്നു. അന്ന് ഇവര് സജീവിനെ ഒതുക്കാന് ഉപയോഗിച്ച ഈ ഒരു പേപ്പര് കൊണ്ട് സജീവ് ലാലേട്ടന്റെ അടുത്തെത്തി. ഇന്ന് യു.ആര്.എം.എഫ്.ഡബ്ല്യൂ.ഒ ഫാന്സിനെ ഒതുക്കാന് ഈ ഒരു പേപ്പര് ഉപയോഗിച്ച മന്ദബുദ്ധികളോട് നീയൊക്കെ ലാലേട്ടനെയാണോ സ്നേഹിക്കുന്നത് അതോ ലാലേട്ടന്റെ പേരില് തട്ടിപ്പും വെട്ടിപ്പും നടത്തി ജോലിക്ക് ഒന്നും പോകാതെ വയറു നിറക്കാനോ...എന്നും ചോദിക്കുന്നു.
അതേസമയം മോഹന്ലാല് ഫാന്സിന്റെ പേരില് ഒട്ടനേകം സംഘടനകള് ഇപ്പോള് രൂപം കൊണ്ട് വരുന്നതായി കാണുന്നുണ്ട്. അത്തരം സംഘടനകളുടെ പ്രവര്ത്തനങ്ങളുമായി എകെഎംഎഫ്സിഡബ്ല്യുഎയ്ക്ക് യാതൊരു തരത്തിലുള്ള ബന്ധവുമില്ലെന്ന് പ്രസ്താവന ഇറക്കിയിട്ടുണ്ട്. അവരുടെ ലെറ്റര്പാഡില് മോഹന്ലാല് ഒപ്പിട്ട ഒരു കുറിപ്പും ഷെയര് ചെയ്തിട്ടുണ്ട്.
മോഹന്ലാലിന്റെ അറിവോടെ ആന്റണി പെരുമ്ബാവൂരും അദ്ദേഹത്തിന്റെ സഹായികളുമാണ് ഫാന്സ് അസോസിയേഷന്റെ പ്രവര്ത്തനങ്ങള് നിയന്ത്രിക്കുന്നത്. ഫേസ്ബുക്ക് പോസ്റ്റിന്റെ പൂര്ണ്ണ രൂപം:
കഴിഞ്ഞ 20 വര്ഷമായി ലാലേട്ടന്റെ അറിവോടും സമ്മതത്തോടും കൂടി ജീവകാരുണ്യ പ്രവര്ത്തനങ്ങളും ആതുരസേവനങ്ങളുമായി പ്രവര്ത്തിക്കുന്ന അഗങഎഇണഅ എന്ന നമ്മുടെ കൂട്ടായ്മയോട് മാത്രമേ ലാലേട്ടന് നേരിട്ടുള്ള ബന്ധമുള്ളൂ. മോഹന്ലാല് ഫാന്സിന്റെ പേരില് ഒട്ടനേകം സംഘടനകള് ഇപ്പോള് രൂപം കൊണ്ട് വരുന്നതായി കാണുന്നുണ്ട്. അത്തരം സംഘടനകളുടെ പ്രവര്ത്തനങ്ങളുമായി എ.കെ.എം.എഫ്.ഡബ്ല്യൂ.സി.എക്ക് യാതൊരു തരത്തിലുള്ള ബന്ധവുമില്ലെന്ന് ഓര്മിപ്പിച്ചുകൊള്ളുന്നു.
https://www.facebook.com/Malayalivartha