ശ്രീകുമാര് മേനോന്റെ തള്ള് ഒടിയന് തിരിച്ചടിയായി?: മോഹന്ലാല് പറയുന്നു
റിലീസിന് മുന്പ് ഒടിയനെക്കുറിച്ച് സംവിധായകന് ശ്രീകുമാര് മേനോന് നടത്തിയ അവകാശങ്ങളൊന്നുമല്ല യഥാര്ത്ഥ സിനിമയെന്നതാണ് ആരാധകരെ നിരാശരാക്കിയത്. മാന്ത്രികതയും അമാനുഷികതയും നിറഞ്ഞ മാസ് ഒടിയനായിരിക്കും എന്ന പ്രതീക്ഷയോടെ തീയറ്ററുകളിലെത്തിയവര്ക്കു മുന്നില് ഒടിയന്റെ ഇമോഷണല് ജീവിതമാണ് എത്തിയത്. ഇതോടെ ഒടിയനെക്കുറിച്ചു നടത്തിയ പ്രചരണങ്ങള് വെറും മാര്ക്കറ്റിങ് തന്ത്രമായിരുന്നെന്ന ആരാപണമുയര്ന്നു. ഇത് സംവിധായകന് ശ്രീകുമാര് മേനോനും തുറന്നു സമ്മതിച്ചു. താനൊരു പ്രൊഡക്ടുണ്ടാക്കിയെന്നും അതു വിറ്റുപോകാന് മികച്ച പ്രചരണം നടത്തിയെന്നും ശ്രീകുമാര് മേനോന് പറഞ്ഞു. ഇപ്പോള് സമാന പ്രതികരണവുമായെത്തിയിരിക്കുകയാണ് മോഹന്ലാല്.
ഒരു അഭിമുഖത്തില്, ഒടിയനുവേണ്ടി ശ്രീകുമാര് മേനോന് നടത്തിയ ഇത്രയും വലിയ അവകാശവാദങ്ങള് തിരിച്ചടിയായില്ലേ? എന്ന ചോദ്യത്തിന്, 'തീര്ച്ചയായിട്ടും ഒരു സിനിമയെ നന്നായി മാര്ക്കറ്റ് ചെയ്യാന് അറിയണം. ഒരു പ്രൊഡക്ട് ആണ്. ഒരു പ്രൊഡക്ടുണ്ടാക്കിയിട്ട് അത് മാര്ക്കറ്റ് ചെയ്യാന് പാടില്ല എന്നു പറയാന് പാടില്ല' മോഹന്ലാല് പറഞ്ഞു. ചിത്രത്തിനെതിരെ നടക്കുന്ന വിമര്ശനങ്ങളോടും സോഷ്യല് മീഡിയ ആക്രമണങ്ങളോടും താന് പ്രതികരിക്കാനില്ലെന്നും അദ്ദേഹം പറഞ്ഞു.
'ഒടിയന് കേരളത്തിനകത്തും പുറത്തുമുള്ള ധാരാളം പ്രേക്ഷകര് ഇഷ്ടപ്പെടുന്നതായി മനസ്സിലാക്കുന്നു. സിനിമ കണ്ട 90% പേര്ക്കും അതിഷ്ടപ്പെട്ടു. ആളുകള്ക്ക് ഇഷ്ടപ്പെടുന്നത് കൊണ്ടാണല്ലോ സിനിമ വളരെ വിജയകരമായി ഓടുന്നത്. കേരളത്തില് മാത്രമല്ല, ഇന്ത്യയിലും പുറത്തുമൊക്കെ ആ സിനിമയ്ക്ക് വളരെ നല്ല റസ്പോണ്സാണ് കിട്ടുന്നത്. ഒരുപാടു പേര് ആ ചിത്രം കണ്ടു. അതിന്റെ നന്മയെക്കുറിച്ച് എഴുതുകയുമൊക്കെ ചെയ്തു,' മോഹന്ലാല് പറഞ്ഞു.
https://www.facebook.com/Malayalivartha
