ഈ മാപ്പ് അസ്ഥാനത്തായിപ്പോയോ... പ്രിയ പ്രേക്ഷകരോട് വളരെ നാളുകള്ക്ക് ശേഷം ക്ഷമ ചോദിച്ച് ശോഭന
മലയാളികളുടെ പ്രിയ നായികയാണ് ശോഭന. കുറേനാളുകളായി ശോഭനയുടേതായി ഒരു സിനിമ പോലും വന്നില്ലെങ്കിലും ശോഭന അനശ്വരമാക്കിയ സിനിമകള് മാത്രം മതി ഓര്ത്തിരിക്കാന്. അതുപോലെ തന്നെ പ്രേക്ഷകരുടെ ഏക്കാലത്തേയും പ്രിയപ്പെട്ട സിനിമകളിലൊന്നാണ് മണിച്ചിത്രത്താഴ്. 1993 ഡിസംബര് 25ആം തീയതിയാണ് ചിത്രം പ്രദര്ശനത്തിനായി എത്തിയത്. 25 വര്ഷം പൂര്ത്തിയാവുകയാണ് മണിച്ചിത്രത്താഴ് റിലീസ് ചെയ്തിട്ട്. ആ സിനിമയില് ശോഭന ചെയ്ത വേഷം ആരും മറക്കാനിടയില്ല.
മറ്റൊരു ഡിസംബറില് മാണിച്ചിത്രത്താഴിലെ നാഗവല്ലിയേയും ഗംഗയേയും ഒരിക്കല് കൂടി ഓര്മിപ്പിച്ച് ശോഭന. തന്റെ ഫേസ്ബുക്ക് പേജിലണ് നാഗവല്ലിയുടെ ചിത്രവും താരം പങ്കുവെച്ചത്. കൂടാതെ തന്റെ പ്രിയപ്പെട്ട ആരാധകരോട് നന്ദിയും ക്ഷമാപണവും നടത്തുന്നുമുണ്ട്.
ചെന്നൈയില് മാര്ഗ്ഗി പെര്ഫോമന്സുമായി തിരിക്കിലാണെന്നും, അതുകൊണ്ടാണ് നിങ്ങളുടെ അന്വേഷണങ്ങള്ക്ക് മറുപടി നല്കാന് കഴിയാത്തത്. അതിനാല് ക്ഷമ ചോദിക്കുന്നുവെന്നും താരം ഫേസ്ബുക്കില് കുറിച്ചു. എന്നാല് വളരെ നാളുകള്ക്ക് ശേഷമുള്ള ശോഭനയുടെ മാപ്പ് അസ്ഥാനത്തായെന്നാണ് ആരാധകര് പറയുന്നത്.
അടുത്തിടെ മീടു വിവാദത്തിലും ശോഭന പെട്ടിരുന്നു. ശോഭനയുടെ പേജില് മീടു ഇട്ട ശേഷം പെട്ടെന്ന് ഡിലീറ്റ് ചെയ്തത് വലിയ വാര്ത്തയായിരുന്നു.
മലയാളത്തിലെ എക്കാലത്തേയും സൂപ്പര് ഡ്യൂപ്പര് ഹിറ്റായിണ് ഫാസില്ന്റെ സംവിധാനത്തില് പുറത്തിറങ്ങിയ മണിച്ചിത്രത്താഴ്. സിനിമയിലെ ഓരോ ചെറിയ കഥാപാത്രങ്ങളെ പോലും പ്രേക്ഷകര് രണ്ടു കയ്യും നീണ്ടി സ്വീകരിച്ചു. ഇപ്പോഴും ടിവിയില് സിനിമ വരുമ്ബോള് സിനിമ കണ്ടിരിക്കാന് ഇഷ്ടമാണ് മലയാളികള്ക്ക്.
സണ്ണിയെയും ഗംഗയെയും നകുലനെയും മാടമ്ബള്ളിയെയുമെല്ലാം പ്രേക്ഷര് ഇപ്പോഴും ഇഷ്ടപ്പെടുന്നു. നിരവധി ഭഷകളീലേക്ക് മണിച്ചിത്രത്താഴ് മൊഴിമാറ്റം ചെയ്യപ്പെട്ടിരുന്നു. കന്നടയില് ആപ്തമിത്ര, തമിഴിലും തെലുങ്കിലും ചന്ദ്രമുഖി, ഹിന്ദിയില് ഭൂല് ഭുലയ്യ എന്നീ പേരുകളിലാണ് ചിത്രം റീമേക്ക് ചെയ്യപ്പെട്ടത്. ഇത്രക്കധികം വിജയമായ സിനിമയുടെ പിന്നാമ്ബുറ കഥകള് നമ്മള് അധികം കേട്ടിട്ടില്ല. ഇപ്പോള് അത്തരം ഒരു വെളിപ്പെടുത്തല് നടത്തിയിരിക്കുകയാണ് ചിത്രത്തിന്റെ സംവിധായകന് ഫാസില്
വര്ഷങ്ങള്ക്കിപ്പുറം ചിത്രത്തിലേക്ക് കഥാപാത്രങ്ങളെ തീരുമാനിച്ചതെങ്ങനെയെന്ന് വെളിപ്പെടുത്തിയിരിക്കുകയാണ് ഫാസില്. നായിക കഥാപത്രത്തിന് ഏറെ പ്രാധാന്യമുള്ള സിനിമയാണ് മണിചിത്രത്താഴ് അതിനാല് നായികയെ കുറിച്ചാണ് ആദ്യം ചിന്തിച്ചത് എന്ന് ഫാസില് പറയുന്നു.
മണിച്ചിത്രത്താഴിലെ ഗംഗയായി ആദ്യം തന്നെ മനസില് തെളിഞ്ഞത് ശോഭനയായിരുന്നു. നര്ത്തകിയായ നഗവല്ലിക്ക് ശോഭനയുടെ മുഖം മാത്രമേ മനസില് ഉണ്ടായിരുന്നുള്ളു. ഇതിനു ശേഷമാണ് സണ്ണിയും നകുലനുമെല്ലാം കടന്നുവരുന്നത്. ചിത്രത്തിലെ പ്രകടനം ശോഭനക്ക് സംസ്ഥാന ദേശിയ പുരസ്കാരങ്ങള് നേടി നല്കുകയും ചെയ്തിരുന്നു.
മോഹന്ലാലിന്റെ ക്ലാസിക് കഥാപാത്രമായ മണിച്ചിത്രതാഴിലെ ഡോ. സണ്ണിയായി അഭിനയിക്കാന് സംവിധായകന് ഫാസില് ആദ്യം തീരുമാനിച്ചിരുന്നത് മമ്മൂട്ടിയെയായിരുന്നുവെന്ന വെളിപ്പെടുത്തലും അടുത്തിടെയുണ്ടായി.
എന്നാല് ഇതിന് ഫാസില് നല്കുന്ന മറുപടി മറ്റൊന്നായിരുന്നു 'മണിച്ചിത്രത്താഴിലെ ഡോക്ടര് സണ്ണി എന്ന കഥാപാത്രത്തിന് എന്റെ മനസില് ആദ്യം മമ്മൂട്ടിയുടെ മുഖമായിരുന്നു. പിന്നീട് ആ കഥാപാത്രത്തിന്റെ സ്വഭാവത്തിലേക്ക് കുസൃതിയും മറ്റും വന്നുചേരുകയായിരുന്നു.
https://www.facebook.com/Malayalivartha