എന്നെയാരും വിളിച്ചില്ല... ഇവിടെ എന്താണ് നടക്കുന്നതെന്ന് അറിയാന് വേണ്ടിയാണ് വന്നത്
ഐ.എഫ്.എഫ്.കെ.യുടെ ഡെലിഗേറ്റ് പാസ് വിതരണത്തിന്റെ ഉദ്ഘാടനത്തിന് ചലച്ചിത്രമേള ഉപദേശകസമിതി ചെയര്മാന് അടൂര് ഗോപാലകൃഷ്ണനെ ക്ഷണിച്ചില്ല. എന്നാല് ടാഗോര് തിയേറ്ററില് നടന്ന ചടങ്ങിലേക്കെത്തി തന്റെ അതൃപ്തി പ്രസംഗത്തിലൂടെ മന്ത്രിയെ ഇരുത്തികൊണ്ടു തന്നെ അടൂര് അറിയിച്ചു. ഉദ്ഘാടന പ്രസംഗത്തില് അടൂരിനെ പുകഴ്ത്തി മന്ത്രി തിരുവഞ്ചൂര് രാധാകൃഷ്ണനും സംസാരിച്ചു.
ഇന്നലെ രാവിലെ 11.30നാണ് ടാഗോര് തിയേറ്ററില് ഉദ്ഘാടനം നടന്നത്. സദസിലേക്കെത്തിയ അടൂര് ഗോപാലകൃഷ്ണനെ വളരെ നിര്ബന്ധിച്ചാണ് മന്ത്രിയടക്കമുള്ളവര് വേദിയിലിരുത്തിയത്.
ഇങ്ങനെയൊരു ചടങ്ങ് നടക്കുന്നുണ്ടൈന്ന് മാധ്യമങ്ങളിലൂടെ കേട്ടാണ് വന്നതെന്ന് പറഞ്ഞാണ് അടൂര് പ്രസംഗം ആരംഭിച്ചത്. മന്ത്രിയുടെയും ചലച്ചിത്ര അക്കാദമിയിലെ ആളുകളുടെയും പേരും കണ്ടു. ഇവിടെ എന്താണ് നടക്കുന്നതെന്ന് അറിയാന് വേണ്ടിയാണ് വന്നത്. ഇവിടെ വന്ന് സംസാരിക്കാന് കഴിഞ്ഞത് വീണു കിട്ടിയ ഭാഗ്യമാണ്. ഐ.എഫ്.എഫ്.കെയ്ക്കു വേണ്ടി രാവും പകലും അദ്ധ്വനിച്ചു. പക്ഷെ വലിയ അപമാനങ്ങളാണ് നേരിട്ടത്.
ഐ.എഫ്.എഫ്.കെ. താന് മികച്ച രീതിയില് നടത്തുമെന്നായപ്പോള് വളഞ്ഞിട്ട് ആക്രമിക്കുകയായിരുന്നു. അഡൈ്വസറി കമ്മിറ്റിയും അക്കാദമി എക്സിക്യൂട്ടീവ് കമ്മിറ്റിയും ഒന്നായി വേണം മേള നടത്താന്. ഇപ്പോള് നല്ല രീതിയില് നടക്കുമെന്നായപ്പോള് ആവശ്യമില്ലാത്ത ഇടപെടല് ഉാകുന്നു. ഇതൊഴിവാക്കണം. ഐ.എഫ്.എഫ്.കെ.യുടെ നിഴലായി നിന്ന് ഗുണം പറ്റിയവര് തന്നെ ഫെസ്റ്റിവലിനെ തകര്ക്കാന് ശ്രമിച്ചു. തനിക്ക് വ്യക്തിപരമായി യാതൊരു മാറ്റവുമില്ല. പത്മശ്രീയ്ക്കു വേണ്ടി ഇടതുവലത് സര്ക്കാരുകള് തന്നെ ശുപാര്ശ ചെയ്തിട്ടില്ല. ആരോടും അങ്ങനെ ചെയ്യണമെന്ന് താന് ആവശ്യപ്പെട്ടിട്ടുമില്ല. തന്റെ വാക്കുകള് വളച്ചൊടിക്കുകയായിരുന്നു. ഒ.എന്.വിയും സുഗതകുമാരിയും താനും ചേര്ന്നാണ് മലയാളം ഒന്നാം ഭാഷയാക്കാന് പരിശ്രമിച്ചത്. അപ്പോള് തനിക്കിട്ടൊന്നിരിക്കട്ടെ എന്ന നിലയ്ക്കാണ് അക്രമിച്ചത്. തന്നെ അപമാനിക്കരുതെന്നും അടൂര് പറഞ്ഞു.
ഉദ്ഘാടന പ്രസംഗത്തില് ഐ.എഫ്.എഫ്.കെയില് അടൂര് കഴിഞ്ഞേ മറ്റാരുമുള്ളൂവെന്നും അദ്ദേഹം ആത്മാര്ത്ഥമായി മേളയുടെ വിജയത്തിനുവേണ്ടി പരിശ്രമിച്ചുവെന്നും തിരുവഞ്ചൂര് രാധാകൃഷ്ണന് പറഞ്ഞു. ടാഗോര് തിയേറ്ററില് മന്ത്രി തിരുവഞ്ചൂര് രാധാകൃഷ്ണന് എം.എ. ബേബി എം.എല്.എയ്ക്കു ആദ്യ ഡെലിഗേറ്റ് പാസ് നല്കി ഉദ്ഘാടനം നിര്വഹിച്ചു. ചലച്ചിത്ര അക്കാദമി ചെയര്മാന് രാജീവ് നാഥ് പങ്കെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha