ബോളിവുഡ് താരസുന്ദരി സണ്ണി ലിയോണ്‍ കോബ്ര പോസ്റ്റിന്റെ ഒളിക്യാമറ ഓപ്പറേഷനില്‍ കുടുങ്ങിയെന്ന് റിപ്പോര്‍ട്ടുകള്‍ വന്നിരുന്നു. തിരഞ്ഞെടുപ്പിന് മുന്നോടിയായി പണം നല്‍കിയാല്‍ ഏത് തരത്തിലുളള ആശയങ്ങളും സാമൂഹിക മാധ്യമങ്ങളിലെ തങ്ങളുടെ അക്കൗണ്ടുകളിലൂടെ പ്രചരിപ്പിക്കാമെന്ന് സണ്ണി അടക്കമുളള താരങ്ങള്‍ പറഞ്ഞതായാണ് റിപ്പോര്‍ട്ടുകള്‍.

എന്നാല്‍ തനിക്കെതിരെ വന്ന ആരോപണങ്ങളില്‍ വിശദീകരണവുമായി സണ്ണി തന്നെ രംഗത്തെത്തിയിരുന്നു.സണ്ണിക്ക് പുറമെ വിവേക് ഒബ്‌റോയി,ജാക്കി ഷ്‌റോഫ്,സോനു സൂദ്,മഹിമ ചൗധരി.ശ്രേയസ് പാണ്ഡെ,പൂനീത് ഇസ്സര്‍,ടിസ്‌ക ചോപ്ര,രോഹിത് റോയ്,മിനിഷ ലാംബ,ശക്തി കപൂര്‍ തുടങ്ങിയ 36 സിനിമ പ്രവര്‍ത്തകര്‍ക്കെതിരെയാണേ് കോബ്ര പ്രോസ്റ്റ് രംഗത്തുവന്നത്. ബിജെപി, കോണ്‍ഗ്രസ്, ആം ആദ്മി പാര്‍ട്ടി തുടങ്ങിയ രാഷ്ട്രീയ പാര്‍ട്ടികളുടെ പിആര്‍ എജന്‌റുകള്‍ എന്ന വ്യാജേനയാണ് ഇവര്‍ സെലിബ്രിറ്റികളെ സമീപിച്ചത്.

ഭര്‍ത്താവ് ഡാനിയല്‍ വെബ്ബറിന് നരേന്ദ്രമോഡി ഓവര്‍സീസ് സിറ്റിസണ്‍ഷിപ്പ് നല്‍കിയാല്‍ തീര്‍ച്ചയായും ബിജെപിയെ പിന്തുണയ്ക്കുമെന്നായിരുന്നു ദൃശ്യങ്ങളിലുണ്ടായിരുന്നത്. ഈ സംഭവം വലിയ വിവാദമായതോടെയാണ് സണ്ണി ലിയോണ്‍ രംഗത്തുവന്നത്.

താന്‍ ഒരു രാഷ്ട്രീയ പാര്‍ട്ടിയെയും പിന്തുണയ്ക്കുന്നില്ലെന്നാണ് സണ്ണി പറയുന്നത്. ഇത്തരത്തില്‍ തെറ്റായ വാര്‍ത്തകള്‍ പ്രചരിക്കുന്നതു കൊണ്ടാണ് വിശദീകരണവുമായി എത്തിയത്. ഏതെങ്കിലും പാര്‍ട്ടിക്ക് വേണ്ടി പ്രവര്‍ത്തിക്കുന്നുവെങ്കില്‍ അത് ഞാന്‍ തന്നെ നിങ്ങളെ അറിയിക്കും. വ്യത്യസ്തമായ അജണ്ടകള്‍ ഉളള ആളുകള്‍ എന്ന സമീപിക്കാറുണ്ട്. അവര്‍ പറയുന്നത് ഞാന്‍ കേള്‍ക്കാറുമുണ്ട്. സണ്ണി പറയുന്നു.

എന്നാല്‍ ഞാന്‍ വിശ്വസിക്കുന്ന കാര്യങ്ങള്‍ മാത്രമേ പ്രചരിപ്പിക്കുകയുളളു. എന്റെ രാഷ്ട്രീയ നിലപാട് ഇതുവരെ പുറത്ത് പറയുകയോ സാമൂഹിക മാധ്യമങ്ങളില്‍ പോസ്റ്റ് ചെയ്യുകയോ ചെയ്തിട്ടില്ല. സണ്ണി ലിയോണ്‍ വൃക്തമാക്കി.