ആ സിനിമ എനിക്ക് വലിയ അപമാനമുണ്ടാക്കിയെന്ന് അഞ്ജലി അമീര്
കഴിഞ്ഞ ദിവസങ്ങളില് സോഷ്യല് മീഡിയയില് ചര്ച്ചയായ സിനിമയായിരുന്നു ചാന്ദുപൊട്ട്. ഇപ്പോള് സിനിമയെ കുറിച്ച് നടിയും മോഡലുമായ അഞ്ജലി അമീറിന്റെ കുറിപ്പാണ് ഇപ്പോള് സോഷ്യല് മീഡിയയില് ശ്രദ്ധേയമാകുന്നത്. ആദ്യമായി ചാന്ദുപൊട്ട് സിനിമ കണ്ടതും അതിന് ശേഷം തനിക്ക് നേരിട്ട ദുരനുഭവവും അഞ്ജലി കുറിക്കുന്നു. ഞാന് ആദ്യമായി ലാല് ജോസ് സാറിനെ കാണുമ്പോള് അദ്ദേഹത്തോട് സംസാരിക്കാന് പോലും എനിക്ക് താല്പ്പര്യം ഇല്ലായിരുന്നു. കാരണം ആ ഒരൊറ്റ സിനിമ, എന്നെയും എന്നെപ്പോലെ ഉള്ളവരുടെയും ജീവിതത്തില് വരുത്തിവച്ച ആക്ഷേപവും അപമാനവും വ്യക്തിഹത്യയുമാണ്. അത്രത്തോളം ' ചാന്തുപൊട്ട് ,രാധ എന്നീ വിളികള് കൊണ്ട് സംമ്ബുഷ്ടമായിരുന്നു എന്റെയും ബാല്യം. അഞ്ജലി അമീര് പറഞ്ഞു.
കുറിപ്പിന്റെ പൂര്ണരൂപം
ഈ ഇടയായി ലാല് ജോസ് സാറിന്റെ ഒരു സിനിമയായ ചാന്തുപൊട്ട് എന്ന സിനിമയെ കുറിച്ച് നടന്ന ചര്ച്ച കാണാനിടയായി. ഞാന് ആദ്യമായി ലാല് ജോസ് സാറിനെ കാണുമ്ബോള് അദ്ദേഹത്തോട് സംസാരിക്കാന് പോലും എനിക്ക് താല്പ്പര്യം ഇല്ലായിരുന്നു. കാരണം ആ ഒരൊറ്റ സിനിമ, എന്നെയും എന്നെപ്പോലെ ഉള്ളവരുടെയും ജീവിതത്തില് വരുത്തിവച്ച ആക്ഷേപവും അപമാനവും വ്യക്തിഹത്യയുമാണ്. അത്രത്തോളം ' ചാന്തുപൊട്ട് ,രാധ എന്നീ വിളികള് കൊണ്ട് സംമ്ബുഷ്ടമായിരുന്നു എന്റെയും ബാല്യം.
അങ്ങനെ എന്റെ പരിഭവങ്ങള് അദ്ദേഹത്തോട് പങ്കുവച്ചപ്പോള് അദ്ധേഹം പറഞ്ഞത്, ദിലീപേട്ടന് അവതരിപ്പിച്ച ആ കാരക്ടര് ഒരു 'ട്രാന്സ്ജെന്ഡറോ 'ഗേയോ ' അല്ല മറിച്ച് വീട്ടുകാരുടെ ഒരു പെണ്കുട്ടി വേണമെന്ന ആഗ്രഹത്തില് തങ്ങള്ക്ക് ജനിച്ച മകനെ സ്ത്രീയെപ്പോലെ വളര്ത്തിയതു കൊണ്ടും ഡാന്സ് പടിപ്പിച്ചതു കൊണ്ടുമുള്ള സ്ത്രൈണതയാണെന്നാണ്....
ഇതല്ലാതെ ജെന്ഡര് പരമായും ലെഃൗമഹശ്യേ ക്കും ഒരു പ്രശ്നവും ഉള്ള വ്യക്തിയായിരുന്നില്ല .... ഇതു മനസ്സില്ലാക്കാതെ ഞങ്ങളെപ്പോലെയുള്ളവരെ ഇതും പറഞ്ഞ് ആക്ഷേപിച്ചവരല്ലെ വിഡ്ഢികള് ... ആദ്യമൊന്നു ഈ സിനിമയിലെ അക്ഷേപഹാസ്യം എനിക്കാസ്വദിക്കാന് പറ്റിയില്ലെങ്കിലും എന്തോ ഇപ്പോ ലാല് ജോസ് സാറിനോട് സംസാരിച്ചു കഴിഞ്ഞപ്പോള് എനിക്ക് ഈ സിനിമ ഇഷ്ടമായി. അദ്ദേഹം അവസാനം എന്നോട് പറഞ്ഞത് എന്റെ സിനിമ കൊണ്ട് വല്ല വിഷമവും ഉണ്ടായിട്ടുണ്ടെങ്കില് ഞാന് ക്ഷമ ചോദിക്കുന്നുവെന്ന് ഈ ഒരൊറ്റ വാക്കുകൊണ്ട്, ഇന്ന് ലാലുവങ്കിള് എനിക്കേറെ പ്രിയപ്പെട്ടവരില് ഒരാളാണ്.'അഞ്ജലി പറഞ്ഞു.
കഴിഞ്ഞദിവസം ഉനൈസ് എന്ന യുവാവ് 'ചാന്ത്പൊട്ട്' സിനിമ മൂലം തനിക്കുണ്ടായ വിഷമങ്ങള് ഉള്ക്കൊള്ളിച്ച് സോഷ്യല്മീഡിയയില് പങ്കുവെച്ച ഒരു കുറിപ്പ് വലിയ ചര്ച്ചകള്ക്ക് വഴിവച്ചിരുന്നു. ഇങ്ങനെയൊരു സിനി നിര്മിച്ച ഇന്ഡസ്ട്രുക്കു വേണ്ടി താന് മാപ്പ് ചോദിക്കുന്നുവെന്നായിരുന്നു കുറിപ്പ് പങ്കുവച്ച് നടി പാര്വതി ട്വീറ്റ് ചെയ്തത്.
https://www.facebook.com/Malayalivartha