മോഹൻലാൽ- തരൂൺമൂർത്തി ചിത്രം 'അതിമനോഹര'ത്തിന്റെ ശബരിമല സന്നിധാനത്തെ ഷൂട്ടിങിന് അനുമതിയില്ല. ഹൈക്കോടതി ഉത്തരവ് ചൂണ്ടിക്കാട്ടിയാണ് വനംവകുപ്പിന്റെ നടപടി. പമ്പ വരെയുള്ള ഷൂട്ടിങിന് റാന്നി ഡിവിഷൻ അനുമതി നൽകി.

ക്ഷേത്രം ഉൾപ്പെടുന്ന പ്രദേശം പെരിയാർ കടുവ സങ്കേതത്തിന്റെ പരിധിയിൽ വരുന്നതാണെന്നും, ഹൈക്കോടതിയുടെ ഏറ്റവും പുതിയ ഉത്തരവ് നിലനിൽക്കുന്നതാണെന്നും വനംവകുപ്പ് . ചിത്രത്തിന്റെ രണ്ടാം ഷെഡ്യൂളാണ് ശബരിമലയില്‍ ചിത്രീകരിക്കാനായി തീരുമാനിച്ചിരുന്നത്. ഷൂട്ടിങിന് നേരത്തെ ദേവസ്വം ബോർഡ് ഉപാധികളോടെ അനുമതി നൽകിയിട്ടുണ്ടായിരുന്നു.
തുടരും എന്ന ഹിറ്റ് ചിത്രത്തിന് ശേഷം തരുൺമൂർത്തിയുടെ സംവിധാനത്തിൽ മോഹൻലാൽ അഭിനയിക്കുന്ന ചിത്രമാണ് അതിമനോ​ഹരം. ചിത്രത്തിന്റെ ഫസ്റ്റ് ലുക്ക് പോസ്റ്റർ ശ്രദ്ധിക്കപ്പെട്ടിരുന്നു. പ്രധാന കഥാപാത്രമായി മീരാ ജാസ്മിനും എത്തുന്നുണ്ട്.