ബോളിവുഡ് താരം കൃതി സനോന്‍ ഇപ്പോള്‍ 15 കിലോയോളം ഭാരം കൂട്ടിയത്രേ. പുതിയ ചിത്രത്തിന് വേണ്ടിയാണ് കൃതി ഒറ്റയടിക്ക് 15 കിലോ കൂട്ടിയത്. 29 കാരിയായ കൃതിയുടെ പുതിയ ചിത്രത്തിലെ കഥാപാത്രം ഒരു ഗര്‍ഭിണിയുടെതാണ്. ഇതിന് വേണ്ടിയാണ് കൃതി ഭാരം കൂട്ടിയത്. ഭാരം കൂട്ടുനായി എന്തെങ്കിലും കഴിക്കുക അല്ല കൃതി ചെയ്തത്. പകരം ഹെല്‍ത്തി ഭക്ഷണം കഴിച്ച് ആരോഗ്യപരമായ ശരീരം സ്വന്തമാക്കാനാണ് കൃതി ശ്രമിച്ചത്. ഇപ്പോഴിതാ തന്റെ ഭാരം കൂട്ടിയത് എങ്ങനെയെന്ന് പറയുകയാണ് താരം. ദിവസവും എക്‌സ്ട്രാ കാലറി കഴിക്കണം. 300-500 വരെ കലോറി ദിവസവും കഴിക്കാം. കൂടാതെ ഓരോ മൂന്ന് മണിക്കൂര്‍ കൂടുമ്പോഴും ആഹാരം കഴിക്കണം. പ്രോട്ടീന്‍ അടങ്ങിയ ആഹാരം ആണ് ഇതില്‍ പ്രധാനമായും കഴിക്കേണ്ടത്. ഇറച്ചി, മുട്ട, പ്രോട്ടീന്‍ സപ്ലിമെന്റ്‌സ് എന്നിവ ശീലിക്കാം കൃതി പറഞ്ഞു.