തമിഴ് സിനിമാ നടൻ യോഗി ബാബു വിവാഹിതനായി. മഞ്ജു ആണ് വധു. ഇന്ന് രാവിലെ ആയിരുന്നു വിവാഹം. തിരുത്താണിയിലെ കുടുംബ പാരമ്പര്യം അനുസരിച്ചുള്ള ക്ഷേത്രത്തില്‍ അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്.

മാരി സെല്‍വരാജ് സംവിധാനം ചെയ്ത ധനുഷിന്റെ 'കര്‍നാന്‍' എന്ന ചിത്രത്തിലാണ് താരം ഇപ്പോൾ അഭിനയിക്കുന്നത്. 'കാക മുട്ടൈ' സംവിധായകന്‍ മണികണ്ടന്റെ കടൈസി വിവസായി, ശശികുമാര്‍ അഭിനയിച്ച രാജവംശം, ശിവകാര്‍ത്തികേയന്‍ അഭിനയിച്ച ഡോക്ടര്‍ എന്നിവയാണ് യോഗി ബാബു അടുത്തതായി അഭിനയിക്കുന്നത്.