നടന് വിജയ് ഷൂട്ടിങ് ലൊക്കേഷനില് തിരിച്ചെത്തി.... വിജയ്ക്കെതിരെ പ്രതിഷേധവുമായി ബിജെപി പ്രവര്ത്തകര്
ആദായ നികുതി വകുപ്പ് 30 മണിക്കൂറിലധികം നടത്തിയ ചോദ്യം ചെയ്യലിനു പിന്നാലെ ഷൂട്ടിങ് ലൊക്കേഷനില് തിരിച്ചെത്തിയ നടന് വിജയ്ക്കെതിരെ പ്രതിഷേധവുമായി ബിജെപി പ്രവര്ത്തകര്. പുതിയ ചിത്രമായ മാസ്റ്റേഴ്സിന്റെ ലൊക്കേഷനിലാണ് ബിജെപി പ്രതിഷേധം ആരംഭിച്ചത്. മാസ്റ്റേഴ്സ് സിനിയുടെ ഷൂട്ടിങിനിടയില് വിജയ്യെ കസ്റ്റഡിയിലെടുത്ത ആദായനികുതി വകുപ്പ് ഉദ്യോഗസ്ഥര് നടനെ 30 മണിക്കൂറിലധികം ചോദ്യം ചെയ്തിരുന്നു. എട്ടോളം ആദായനികുതി വകുപ്പ് ഉദ്യോഗസ്ഥരാണ് നടന്റെ ഈസ്റ്റ് കോസ്റ്റ് റോഡിലെ വസതിയില് റെയ്ഡിനെത്തിയത്. വിജയുടെയും ഭാര്യ സംഗീതയുടെയും പേരിലുള്ള സ്വത്തുക്കളും പണമിടപടുകളും സംഘം പരിശോധിച്ചു. എന്നാല് പരിശോധനയില് ഇവരുടെ പക്കല് നിന്ന് അനധികൃതമായി സൂക്ഷിച്ച പണമൊന്നും കണ്ടെത്താന് സാധിച്ചില്ലെന്ന് ആദായനികുതി വകുപ്പ് ഉദ്യോഗസ്ഥര് വാര്ത്താക്കുറിപ്പില് അറിയിച്ചിരുന്നു. നെയ്വേലിയിലെ ലിഗ്നൈറ്റ് കോര്പ്പറേഷന് പ്ലാന്റേഷനിലാണ് ചിത്രീകരണം പുരോഗമിക്കുന്നത്. എന്നാല് അതീവ സുരക്ഷാ മേഖലയായ ഇവിടെ ഷൂട്ടിങ് അനുവദിക്കാനാകില്ലെന്നാണ് ബിജെപി പ്രവര്ത്തകരുടെ വാദം. ലൊക്കേഷനില് പ്രവര്ത്തര് വിജയ്ക്കെതിര മുദ്രാവാക്യം വിളിച്ചു പ്രതിഷേധിച്ചെന്നാണ് റിപ്പോര്ട്ടുകള്.
https://www.facebook.com/Malayalivartha