കയ്യടി നേടുന്ന മാസ്സ് സീനുകള് സിനിമയില് ഉള്പ്പെടുത്തുന്ന കാലം കഴിഞ്ഞിരിക്കുന്നുവെന്ന് ഫഹദ്
യുവതാരനിരയില് ഏറ്റവും മൂല്യമുള്ള നായക നടന്മാരില് ഒരാളാണ് ഫഹദ് ഫാസില്. മലയാള സിനിമയെക്കുറിച്ചുള്ള താരത്തിന്റെ പുതിയ പ്രസ്താവന ഇതിനോടകം വലിയ വാര്ത്താപ്രാധാന്യം നേടി കഴിഞ്ഞു. യുവതാരങ്ങളില് ഏറെ ശ്രദ്ധേയനായ തന്നെ ആരാധിക്കാനും പുതിയ സിനിമകള് ചെയ്യാനും ഫാന്സ് അസോസിയേഷനുകളുടെ ആവശ്യമില്ലെന്ന് താരം തുറന്നു പറഞ്ഞിരിക്കുന്നു. ഒരു നടനെന്ന നിലയില് വൈവിധ്യ വേഷങ്ങള് ചെയ്യുക എന്ന നിലയിലാണ് താന് സംതൃപ്തി കണ്ടെത്തുന്നതെന്നും തൊണ്ടിമുതലിലും അതിരിലും കാര്ബണിലും എല്ലാം അത്തരത്തിലുള്ള കഥാപാത്രങ്ങള് തന്നെയായിരുന്നു സിനിമയുടെ കരുത്ത് എന്നും അദ്ദേഹം വ്യക്തമാക്കി.
താരപദവി നിലനിര്ത്താന് സിനിമയില് മാസ്സ് സീനുകള് ഉള്പ്പെടുത്തുന്നതിന്റെ കാലം കഴിഞ്ഞുപോയി എന്നു പറഞ്ഞ ഫഹദ് ഫാസില് തനിക്കുള്ള താരപദവിയില് ശ്രമിക്കുന്നില്ല എന്നും നല്ല നടന് ആവുക എന്നതാണ് ലക്ഷ്യമെന്നും പറഞ്ഞു. സമാനമായ രീതിയിലുള്ള പ്രതികരണം സംവിധായകന് അന്വര് റഷീദ് കഴിഞ്ഞദിവസം നടത്തിയിരുന്നു, മലയാളത്തില് സൂപ്പര്സ്റ്റാര് യുഗം അവസാനിക്കുകയാണെന്നും
താരങ്ങളെ പ്രേക്ഷകര് അടുത്തറിയാന് തുടങ്ങിയെന്നും പറഞ്ഞ അന്വര് റഷീദ് മമ്മൂട്ടിയും മോഹന്ലാലും സൂപ്പര് താരങ്ങളായി തുടരുമെന്നും പറഞ്ഞിരുന്നു. മാറുന്ന മലയാള സിനിമയുടെ ശബ്ദമാണ് യുവ ചലച്ചിത്ര പ്രവര്ത്തകരുടെ ഇത്തരത്തിലുള്ള പുതിയ പ്രസ്താവനകള് എന്ന് മനസ്സിലാക്കാം.
https://www.facebook.com/Malayalivartha